Compostela, 28 de marzo, 2020. O Sindicato Nacional de Comisións Obreiras de Galicia pide a implicación dos Concellos para axudar as familias con menos ingresos a superar nas mellores condicións posibles os efectos da crise do coronavirus. Con esta intención, CCOO presentoulle as súas propostas á Federación Galega de Municipios e Provincias (FEGAMP) para que as traslade ao conxunto de entidades locais, xa que entran no ámbito das competencias destas Administracións.
En primeiro lugar, CCOO pide a aprobación dun plan de medias fiscais de apoio ás familias con menos ingresos, que consistía nunha bonificación do 95 % dos impostos municipais correspondentes ao ano 2020 para as unidades familiares que acrediten no momento da solicitude uns ingresos per cápita inferiores ao Indicador Público de Renda de Efectos Múltiples (IPREM), situado en 537,84 euros mensuais.
No plano laboral, Comisións pide o mantemento dos contratos públicos mentres estea vixente o actual estado de alarma, así como a esixencia ás empresas subcontratistas destas obras ou sevizos de manter o emprego e as condicións laborais pactadas.
Canto á axuda a domicilio, CCOO pide suspender o servizo de libre concorrencia e priorizar a atención a grandes dependentes e persoas sen redes familiares de apoio, creando unha bolsa de persoal de reforzo. Tamén se elaborará un protocolo de actuación con medidas preventivas —e non só paliativas— para afrontar o coronavirus e asegurar equpos de protección individual (EPI) axeitados para todo o persoal.
Outras medidas propostas por CCOO son garantir recursos habitacionais para as persoas sen fogar e alimentación aos menores ante o peche dos centros educativos, establecer o carácter esencial dos Centros de Información e Atención ás Mulleres —para manter unha rede de apoio contra a violencia machista.
Por último, o sindicato solicita que as entidades locais expresen o seu rexeitamento á liberdade de horarios comerciais sen limitacións, pois non responde a unha necesidade da poboación, non atende a necesidade de protección das traballadoras do sector e impide o cumprimento axeitado dos protocolos de seguridade.
Aproveitar o superávit
Con esta iniciativa, CCOO pide mobilizar o superávit acumulado polos Concellos galegos nos últimos oito anos, que ascende a case 900 millóns de euros. Coa proposta do sindicato, un fogar de catro membros con ingresos inferiores a 2515,16 euros mensuais pagaría só o 5 % dos impostos municipais. «O obxectivo é mobilizar recursos públicos para minorar, no posible, os indesexables efectos económicos desta crise na clase traballadora», xa que os expedientes de regulación temporal de emprego (ERTE) afectan a día de hoxe a máis de 125.000 traballadores e traballadoras en Galicia. Deste xeito, impostos como o da circulación ou o de bens inmobles son «cargas que cómpre aliviar ás familias que máis o precisen», conclúe CCOO.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
