Compostela, 30 de marzo. O voceiro de Galicia en Común-Anova Mareas, Antón Gómez Reino, defendeu hoxe o paquete de medidas aprobadas onte polo Consello de Ministros, e instou ao presidente da Xunta, Alberto Núñez Feijóo, a manter a unidade das forzas políticas en torno a idea de que “a saúde pública e a vida das cidadás están por riba de calquera outro interese”.
Durante unha rolda de prensa telemática celebrada esta mañá desde o seu domicilio na Coruña, Gómez Reino referíuse ás críticas de Feijóo á decisión do Goberno do Estado de extender as medidas de confinamento do Estado de Alarma a todas aquelas actividades económicas consideradas non esenciais.
“Non se entendería que no momento actual Feijóo se situara no plano no que están mandatarios como Donald Trump, Boris Johnson ou Bolsonaro, que están a poñer problemas para paralizar o ámbito productivo cando é obvio que o mecanismo que temos agora mesmo para defendernos como sociedade é o confinamento e o freo ordenado da producción”, declarou.
“Todas as medidas aprobadas no Consello de Ministros poñen o foco na defensa das traballadoras e da saúde e na defensa común de todas nós como sociedade”, engadíu.
Gómez Reino reiterou a mensaxe que xa trasladou á Xunta hai días: antes de plantexarse o envío de doentes a instalacións deportivas para utilizalas como hospitais improvisados, Feijóo ten que exercer as súas competencias e poñer todos os medios da sanidade privada ao servizo da loita contra a epidemia de Covid-19.
O voceiro de Galicia en Común-Anova-Mareas lembrou que en Galicia hai 22 hospitais privados que contan con 2.285 camas, 563 médicos, máis de 1.700 profesionais da enfermería e instalacións quirúrxicas e de urxencias que deben poñerse de inmediato a disposición do sistema público de saúde.
“O modelo Ifema que está a empregar a Comunidade Autónoma de Madrid está a derivar en múltiples problemas e non ofrece as debidas garantías. Hai que mobilizar todos os recursos da sanidade privada antes de meter aos doentes en polideportivos e pavillóns de mostras”, concluíu.
Por ultimo, Gómez Reino referiuse ao aprazamento sen previo aviso da xuntanza que o presidente da Xunta tiña previsto manter onte coas voceiras das forzas políticas galegas, e que foi adiada sen data. “Entendemos a carga de traballo que ten a Xunta, pero coidamos que é fundamental celebrar estas reunións con carácter semanal para poder trasladarlle ao Goberno galego as nosas propostas”, insistíu.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
