Lugo, 1 de abril, 2020. O delegado territorial da Xunta en Lugo, José Manuel Balseiro, responde á carta do alcalde do Valadouro dirixida á Xunta sobre o reparto de material de protección para os concellos.
Todos debemos sumar nesta situación de emerxencia sanitaria. A Xunta vai seguir traballando e axudando aos municipios, malia que, ata o momento, somos a única administración que o está facendo.
Transcrición do texto:
Estimado alcalde,
Teño que avanzarlle a nosa sorpresa polo contido da carta dirixida por vostede a esta administración con data 31 de marzo de 2020 e, en relación á mesma, quixéramos facerlle unha serie de consideracións:
En primeiro lugar, como vostede debera saber, desde a aprobación do Real Decreto 463/2020, do 14 de marzo, polo que se declara o estado de alarma (artigo 13) o Goberno de España asumiu a centralización da adquisición e distribución de equipos de protección. Unha competencia exclusiva estatal que, polo momento, non se está a cumprir con efectividade creando unha situación de desatención das necesidades dos municipios.
O retraso e manifesta escaseza das subministracións enviadas dende a Administración Xeral do Estado é a que obrigou á Xunta de Galicia a buscar vías para adquirilos por nós mesmos; para poder atender prioritariamente ás necesidades da sanidade pública galega, dos centros sociais e tamén dos concellos. Parte deste material é o que o seu Concello recibiu. Comprenderá que resulta particularmente curioso que cuestione o traballo da única administración que está achegando este material aos municipios, sen ser a súa competencia directa.
Esta distribución, que lle comuniquei persoalmente por vía telefónica, terá a súa continuidade nos vindeiros días cun segundo envío que suporá unha achega global, para o Concello do Valadouro, dun total de 411 mascarillas, 600 luvas e 58 traxes, ademais de diverso material para limpeza e desinfección. Teño que dicirlle tamén que é vontade da Xunta manter periodicamente este envío de material e ademais facelo a través dun novo sistema de distribución polo que chegará o material ao propio concello, evitando desprazamentos.
En segundo lugar, de xeito complementario, a Xunta tamén decidiu poñer en marcha outras medidas de apoio aos concellos como a desinfección de centros de saúde e residencias, iniciativa da que o seu concello tamén se beneficiou. Son espazos de especial risco e atención durante a evolución da pandemia. Entendemos que esta colaboración é do seu agrado e continuaremos programando estas accións salvo que teñamos instrucións distintas pola súa parte.
En terceiro lugar, indicarlle que nos sorprende que no seu escrito acuse á Xunta de facer apoloxía partidista e, no mesmo texto, pretenda excluír de todo compromiso á Deputación de Lugo, supoñemos que movido pola maior afinidade política. A colaboración que demandamos a esa entidade non é diferente da que se está a prestar na veciña provincia de Ourense, onde a Deputación decidiu sumar forzas coa Xunta e contribuír a adquisición directa deste material para despois distribuílo entre os concellos. Ao noso entender trátase dun exemplo a seguir, sobre todo tendo en conta que a única competencia directa que teñen as deputacións é a asistencia e apoio aos concellos de menos de 20.000 habitantes que, no caso da nosa provincia son 66 dos 67. Sería desexable unha colaboración leal e sincera entre administracións, porque as necesidades municipais son moitas ante un problema sanitario deste envergadura, e non se entendería posicionamentos partidistas.
Xa por último, e a nivel particular, quero dicirlle que non entendemos a súa queixa, que non me trasladou nas moi diversas ocasións nas que mantivemos contacto:
•O luns 23 de marzo, cando a través dunha chamada telefónica púxenme a disposición de vostede ante calquera necesidade que dependera da Xunta,
•O xoves 26 de marzo cando transmitín que a Xunta tiña dispoñible para recollida o primeiro envío de material de protección do que se beneficiou o Concello.
•Días despois cando chamou para facer unha consulta, aclarada con posterioridade pola xefa territorial da Consellería de Sanidade
•E hoxe mesmo, para comunicarlle o segundo envío de material de protección do que é beneficiario o Concello do Valadouro
A pregunta que xurde ante esta cuestión é moi clara, ¿houbo algunha administración que estivera tan pendente das necesidades municipais do Valadouro como a Xunta de Galicia?
Prégolle faga extensible esta carta aos distintos Grupos Municipais que conforman a Corporación, na seguridade de que é consciente do esforzo que todos estamos facendo nestes momentos,
Reciba un cordial saúdo.
José Manuel Balseiro
Delegado territorial da Xunta en Lugo
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
