Lugo, 9 de abril de 2020. O Presidente da Deputación, José Tomé Roca, informa de que esta semana se están desenvolvendo traballos de limpeza e desinfección con carácter preventivo en todos as dependencias da institución. Esta medida, explica Tomé Roca, complementa as adoptadas ata o momento, porque “é moi importante seguir extremando as precaucións para minimizar o risco de contaxio do coronavirus Covid-19”.
As labores de desinfección xa se efectuaron este mércores no Pazo de San Marcos, no Museo Provincial de Lugo, no Museo do Mar, nas oficinas da Praza de Santo Domingo, no centro de formación audiovisual, na produtora do Servizo de Audiovisuais, nos locais do Parque Móbil e nas dependencias de Recadación. O vindeiro luns acometeranse nos museos de San Paio de Narla e Pazo de Tor, nas dependencias de Vías e Obras, no CENTRAD, no Arquivo e na Unidade de Mantemento.
Estas tarefas encargáronselle á empresa pública Tragsa, medio propio da Deputación dende finais do pasado ano, e realízanse con persoal formado e cualificado na utilización de produtos químicos autorizados polo Ministerio de Sanidade.
O Presidente explica que “dende a Deputación estamos desenvolvendo un conxunto de actuacións para afrontar esta crise. Seguimos cos traballos de desinfección das residencias, que se fan dúas veces por semana en cada un dos centros, e agora eses labores ampliámolos ao conxunto das dependencias provinciais”. Tomé Roca engade que “estes lugares agora mesmo están case sen xente porque practicamente todo o cadro de persoal da Deputación está traballando dende a casa, o que nos permite conxugar a seguridade dos empregados e empregadas públicas cun ritmo fluído nas tarefas necesarias para a prestación de servizos á cidadanía e aos concellos”.
Os labores de desinfección tanto das dependencias provinciais como das residencias de maiores, súmanse ás medidas xa adoptadas pola Deputación fronte á crise do Covid-19. O Goberno adoptou decisións de carácter social e económico para paliar o impacto desta crise, como a de adaptar o Plan Único 2020 para que os concellos poidan usar máis de 10,6 millóns de euros a cubrir medidas sociais derivadas do impacto do coronavirus; a inxección de 11M€ nos concellos adiantándolles os pagos mensuais previstos por impostos ata o mes de xuño; priorizar o pago a provedores da institución para inxectar liquidez nas empresas e contribuír deste xeito a que poidan pagar salarios e gastos correntes e manter así a súa actividade; ou reforzar o servizo de teleasistencia domiciliaria para facilitar información e recomendacións aos máis de 1.300 usuarios e usuarias.
Renovación do encargo
A Deputación de Lugo renova o encargo con Tragsa dos labores de desinfección dos catro centros de atención a maiores durante dúas semanas máis para que o servizo continúe –polo menos- mentres permaneza vixente o estado de alarma. Cada un dos centros límpase dúas veces á semana e os traballos fanse de forma exhaustiva tanto no interior como no exterior dos edificios, coa finalidade de cubrir todas as zonas coas que a diario tanto os usuarios e usuarias como o persoal dos centros teñen contacto.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
