Burela, 15 de abril de 2020. O Concello de Burela pon en marcha un novo servizo de asesoramento para autónomos e pemes durante o estado de alarma. As persoas destes sectores que precisen realizar algunha consulta poderán facelo desde mañá, xoves, no teléfono 982 58 60 00. O alcalde burelés, Alfredo Llano, subliña que o Concello tamén está colaborando co IES Perdouro para repartir ordenadores portátiles entre o alumnado que non conta con esta ferramenta de estudo e de traballo.
O rexedor contou que “desde o Concello de Burela estamos procurando facer aquilo que mellor poidamos solucionar con respecto a todo o que está acontecendo derivado da pandemia do coronavirus. En principio procuramos axudar a todos os colectivos que nolo piden e estamos distribuíndo material e atendendo ás persoas que están soas. Imos procurando facer un servizo que desde logo corresponde ao Concello e penso que o estamos levando adiante de forma rigorosa, voluntaria en moitos casos, que creo que está funcionando ben”.
Alfredo Llano subliñou que “unha iniciativa que imos levar adiante a partir de mañá é un servizo de información en materia laboral ás empresas, ás pemes e aos autónomos, que queiran preguntar algunha cousa que lles preocupe. Vaise facer a través do teléfono 982 58 60 00 que é o do Concello, e xa desde aí desvían as consultas a dúas persoas para que lles consulten temas de carácter laboral ou de emprendemento tamén, porque cremos que agora mesmo pode haber algunha persoa que estea interesada en ir pensando en montar algunha empresa. Hai que procurar falar sempre en positivo con ganas e esperanza para poder asumir o futuro da mellor maneira posible. Polo tanto imos asesorar tamén á xente que queira emprender en cuestións de materia laboral e tamén ás empresas e ás pemes de Burela que queiran consultar algo. Esperemos que funcione ben”.
Por outra banda, o alcalde burelés explicou que “estamos colaborando co IES Perdouro, agora de momento, na distribución de ordenadores a diferentes veciños para os alumnos que o necesiten, xa que ben carecen de conexión a internet ou dun ordenador portátil. Polo tanto estamos axudándolles a facer da forma máis rápida posible a entrega dos ordenadores a estes alumnos que teñen algunha necesidade”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
