Ribadeo, 16 de abril de 2020. O Concello de Ribadeo ofrece un servizo de información telefónica á cidadanía sobre as medidas e axudas relacionadas co Covid-19. Funcionará de luns a venres en horario de 9 a 14 horas.
O concelleiro de Desenvolvemento Local, Pablo Vizoso, explicou que “a entidade local pon a disposición da cidadanía, empresas e traballadoras/es autónomas/os un servizo de información telefónico para facilitar axuda acerca das medidas adoptadas polos distintos administracións públicas (estatal, autonómica e local) para minimizar o impacto do Covid-19”.
O edil ribadense dixo que “se trata dun reforzo dos servizos municipais, levado a cabo dende a Área de Desenvolvemento Local, para facilitar información relacionada con distintos trámites e axudas como a prestación extraordinaria para persoas autónomas; os Ertes; o aprazamento de pagos de impostos e cotas á Seguridade Social; as prestacións por desemprego; o permiso retribuído recuperable; a incapacidade laboral por Covid-19; as liñas de avais; a moratoria no pago de alugueiros e hipotecas; as axudas á vivenda habitual; a devolución de taxas e prezos públicos; etc”.
Pablo Vizoso dixo que “as persoas interesadas e obter información sobre este servizo poden poñerse en contacto a través do teléfono 679 874 901 de luns a venres en horario de 9 a 14 horas”. E engadiu que “a maiores o Concello ten dispoñible unha guía informativa coas medidas adoptadas polo Covid-19 na súa páxina web www.ribadeo.gal. Esta guía ten un carácter dinámico xa que se actualiza constantemente para incluír as medidas que se van aprobando”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
