Viveiro, 17 de abril de 2020. O portavoz do PP en Viveiro, Óscar Rodríguez, participou na reunión telemática mantida esta tarde polos representantes da corporación municipal con presidentes de asociacións de comerciantes para analizar a situación creada no sector pola crise sanitaria, así como para estudar como abordar a reactivación do mesmo en canto finalice o confinamento. A representación empresarial estivo integrada por: Dolores Pérez, presidenta da asociación do Centro Comercial Casco Histórico; Domingo González, da asociación Beiras de Viveiro (Covas-Cantarrana) e por José Carlos Paleo, da Federación de Comercio da Mariña. Rodríguez considera que a Deputación debe establecer con urxencia vías de apoio económico ao sector no municipio.
O popular Óscar Rodríguez, veterano comerciante viveirense, deixou claro que coñece ben a problemática do sector porque a vive en primeira persoa. Expresou o seu total apoio ás demandas dos representantes dos comerciantes. Entre outras medidas, queren que se reduza a presión tributaria no que atinxe ao Concello, mediante a suspensión ou aprazamento de impostos e taxas, segundo os casos, como recollida de lixo, pasaxes permanentes, terrazas, ocupación de vía pública, etcétera.
Por outro lado, Rodríguez puxo o foco no relevante papel que, ao seu xuízo, lle toca xogar á Deputación. Neste sentido, o portavoz popular di que o organismo provincial goza de moi boa saúde económica. Destacou que ata agora a Deputación non aportou nada de material de protección sanitaria fronte ao coronavirus ao concello de Viveiro e, polo tanto, o seu esforzo económico con respecto a este municipio nesta crise aínda está por facer na súa totalidade. Por iso, considera que a Deputación ten que apoiar ao sector do comercio, decisivo na economía de Viveiro. Nesta liña, recordou que as asociacións de comerciantes reclaman fondos públicos para una campaña potente de promoción.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
