Lugo, 20 de abril de 2020.- O delegado territorial da Xunta en Lugo, José Manuel Balseiro, acompañado de persoal técnico das consellerías de Cultura e Turismo e do Instituto Galego de Promoción Económica (Igape) mantiveron hoxe, unha xuntanza a través de videoconferencia con representantes da Asociación Provincial de Empresarios de Hostalería e Turismo (Apehl), colectivo que preside Cheché Real.
Trátase do primeiro dos encontros cos que a Xunta busca crear unha liña de diálogo permanente entre os distintos axentes económicos e sociais para definir de común acordo medidas que mitiguen o impacto da crise sanitaria e favorezan, unha vez superada, a súa reactivación. Neste caso concreto, a reunión abordou moi en particular iniciativas centradas no mantemento empresarial, o contexto laboral e a disposición de liquidez para o tecido empresarial da hostalería, restauración e turismo.
Inxección de liquidez
Nesa liña Balseiro lembrou que as empresas deste sector –un dos máis afectados pola crise do Covid-19 polo obrigado cese de actividade– poden acceder ás liñas de financiamento postas en marcha pola Xunta, como a de préstamos que mobilizará 250 millóns de euros para cubrir gastos esenciais como facturas, salarios ou alugueres.
En concreto, a nova liña avalará entre 3000 e 200.000 euros de importe por cada negocio e os beneficiarios disporán de prazos de amortización de ata catro anos con un de carencia, con xuros que serán bonificados ao cento por cento pola Xunta, facéndose cargo deles.
Tamén se adoptaron medidas de suspensión de prazos para a presentación de certos impostos e aprazamento das cotas de amortización e xuros dos préstamos formalizados coa Xunta, que chegan a subvencionar ata o 100% dos intereses.
900 815 600 Liña Empresas
Ademais, lembrou que o Goberno galego ten activadas varias canles para que os autónomos e pemes poidan estar informados e resolver todas as dúbidas que teñan con respecto ás distintas medidas económicas postas en marcha como o teléfono gratuíto da Liña Empresas (900 815 600), a web https://ceei.xunta.gal/coronavirus, ou a aplicación para móbiles Gohu.
25M€ para reactivar o turismo
Pola súa banda a Consellería de Cultura e Turismo xa traballa nun plan de reactivación dotado con 25 millóns de euros co obxectivo de priorizar o emprego e o mantemento do tecido empresarial dun sector que resulta estratéxico para a nosa Comunidade. De feito, o turismo representa o 11% do emprego xerado en Galicia e supón máis dun 10% do seu Produto Interior Bruto (PIB).
Nesa liña, Balseiro amosouse moi partidario de estudar calquera iniciativa que redunde no plan de seguridade sanitaria, que buscará xerar confianza no sector e dar as máximas garantías tanto aos usuarios como aos propios traballadores do sector dos aloxamentos, turismo e restauración. Do mesmo xeito, sinalou a importancia de aproveitar o Xacobeo 2021 como un elemento de reactivación económica pola súa especial incidencia no turismo.
As reunións continuarán mañá de maneira telemática, neste caso é a queda da Asociación de Jóvenes Empresarios da provincia (AJE Lugo), que agrupa a un imporante número de mozas e mozos emprendedores e proxectos empresariais xa consolidados xestionados polas novas xeracións da empresa familiar.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
