Lugo, a 25 de abril de 2020. A presidenta provincial do PP, Elena Candia, continúa cos deputados populares no Congreso a súa rolda de reunións telemáticas de traballo e coordinación do Partido Popular lucense durante a que abordaron, entre outros asuntos, “a crítica” situción de Alcoa e os efectos socioeconómicos do Covid-19 na provincia.
Tanto a máxima dirixente do partido coma os deputados Jaime de Olano e Joaquín García Díez incidiron en que a situación dos traballadores de Alcoa e da industria auxiliar é aínda máis “crítica” debido á crise do coronavirus que derivou na redución da demanda de aluminio. Así, “á incerteza sobre o futuro de Alcoa derivada da falta de aprobación dun estatuto electrointensivo que estableza unhas condicións de produción que garanta a viabilidade da planta de San Cibrao hai que engadir agora o anuncio do peche de varias cubas de electrolise”, lamentaron.
Ante esta situación, dende o PP de Lugo agardan “medidas firmes” dende o Goberno central en apoio á única planta de aluminio primario de España da que dependen 5.000 familias da comarca mariñá e recordan que, “ante a vulnerabilidade dos traballadores das Empresas de Traballo Temporal (ETT) de Alcoa, dende o Grupo do Partido Popular na Deputación de Lugo teñen anunciado recentemente unha iniciativa de cara á celebración do vindeiro pleno da corporación provincial co obxectivo de que a institución se dirixida á dirección da multinacional para expoñer a necesidade de que se manteña a práctica habitual en relación coa incorporación do persoal contratado por medio de ETT.
“Alcoa están languidecendo pouco a pouco e o Goberno, que é o que ten que aplicar un plan para o seu rescate, segue a mirar para outro lado. Esta crise sanitaria trae consigo outra económica moi forte polo que, de non buscarse unha solución á planta da Mariña, os efectos na nosa comarca aínda serán máis fulminantes para o emprego e a economía. Vai ser moi difícil que nos recuperemos se esta empresa segue reducindo a súa produción. Non me quero poñer no peor dos escenarios, pero o futuro que se nos presenta, se o Executivo non actúa xa, non vai ser moi bo”, destacou Elena Candia durante a conversa cos deputados no Congreso.
A presidenta provincial pediu así aos seus compañeiros en Madrid que sigan traballando “coa mesma lealdade á nosa comarca e á nosa provincia”. A popular gabou así todas as iniciativas que os deputados levan plantexadas no Congreso e todas as súas comparecencias para trasladar ao Executivo central que “Alcoa non se pode pechar porque é vital para a Mariña”.
Preocupación polos sectores produtivos da provincia
Os representantes do PP lucense no Congreso compartiron tamén con Elena Candia a súa preocupación ante a incidencia desta crise nos tecido produtivo da provincia. É o caso dos sectores turístico e hostaleiro ou do sector madeireiro e o sector primario.
En relación ao sector pesqueiro, os deputados populares no Congreso expuxeron que teñen presentado varias iniciativas na Cámara Baixa atendendo ás demandas que o sector lle está reclamando ao Goberno central. Concretamente, estas propostas abarcan asuntos de gran importancia para os profesionais do mar como a necesidade de que o Goberno clarifique urxentemente as situacións acarreadas dende a entrada en vigor do estado de alarma e que se habiliten axudas que contribúan a mitigar os efectos do Covid-19. E é que, por exemplo, o marisqueo en Galicia descendeu un 77% e os prezos do pescado caeron a nivel xeral en todos os portos máis dun 50% como consecuencia da considerable baixada da demanda no mercado.
A este respecto, García Díez explicou que xa presentaron catro Proposicións Non de Lei destinadas a que se poñan enriba da mesa as posibilidades que o sector ten para acollerse a ERTEs, que achegas económicas directas e indirectas vai a recibir, e que se poñan en marcha outras actuacións como son incentivar o consumo de pescado, manter a actividade da flota pesqueira ou seguir o exemplo de outros países como Noruega que veñen de declarar a pesca e a acuicultura como sectores de importancia crítica para a sociedade.
Solidariedade e agradecemento
Ao inicio do encontro, os populares tamén quixeron expresar a súa solidariedade coas vítimas do Covid-19 e a súas familias, pois, aínda que en Galicia e en Lugo, en particular, as cifras non son tan elevadas, “son momentos moi duros para todas esas persoas que perderon algún ser querido”. “A todos eles enviamos o noso cariño”, indicaron.
A este respecto, tamén puxeron en valor o esforzo de todo ao persoal sanitario, das forzas de seguridade e de todos os traballadores esenciais para “garantir a nosa seguridade e que non nos falte de nada”. “Observamos como Galicia vai por diante grazas á xestión seria e rigorosa de Feijóo”, apuntaron os populares”, quenes coincidiron en que os tres hospitais da provincia están funcionando correctamente, “pero non debemos conformarnos, nin baixar a guardia. Temos que seguir traballando, extremando as precaucións e colaborar para vencer o coronavirus entre todos”, manifestaron ao inicio da reunión de traballo.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
