O Vicedo, 27 de abril de 2020.- O delegado territorial da Xunta en Lugo, José Manuel Balseiro, mantivo un encontro a través de videoconferencia cunha vintena de comerciantes e empresarios do Vicedo, unha iniciativa impulsada pola administración autonómica a petición do Concello desta localidade.
A xuntanza tiña unha dobre finalidade: por unha banda, escoitar as distintas demandas e resolver dúbidas que formularon os participantes e, pola outra, trasladar as distintas liñas de apoio que o Goberno galego ten en marcha dirixidas ás empresas e autónomos para contribuír a superar o impacto da crise do coronavirus.
Hoxe en particular, como principal novidade, o delegado avanzou que a Xunta vén de activar o prazo de solicitude da nova liña de apoios para que os traballadores acollidos a un expediente de regulación temporal de emprego (Erte), xa autorizado, e que aínda non cobraran as prestacións por desemprego do Goberno central, poidan recibir de forma inmediata un anticipo de 1.500 euros, cun tope mensual de 750.
Balseiro explicou que, polo momento, xa contan coa adhesión de tres entidades bancarias a esta iniciativa: Abanca, Caixa Rural e o Banco Sabadell. Con todo, a solicitude deste anticipo é moi sinxela, e debe realizarse a través da propia empresa acollida ao Erte. Pode obterse máis información, sobre este procedemento, no teléfono gratuíto 900 815 600 e na web específica habilitada no portal de Emprego Galicia.
No caso do Vicedo son seis as empresas que se acolleron a un Erte por causa de forza maior, fundamentalmente motivada polo peche obrigado da súa actividade durante o período de alarma, e a Xunta autorizou estes seis expedientes, polo que os traballadores poderían acollerse a esta liña de anticipos promovida polo Goberno galego.
Préstamos co tipo de interese subvencionado
Outro dos apoios máis demandados é información sobre os préstamos que a Xunta, a través do IGAPE puxo en marcha. Falamos de axudas dirixidas a proporcionar liquidez inmediata para as empresas (con independencia do seu tamaño) ou autónomos. As contías pode ser de entre 3.000 e 200.000 euros, cun prazo de amortización de ata 4 anos e 1 ano de carencia. A Xunta, neste caso, subvenciona o 100% dos tipos de interese.
A preguntas dos representantes de empresarios, Balseiro aclarou que estes préstamos poden destinarse tamén ao pago de débedas vencidas (incluídas as tributarias), salarios, reformas en locais para adaptalos as novas condicións sanitarias, compra de material (incluídos equipos de protección individual) ou a calquera outra necesidade de liquidez da empresa beneficiaria.
Cómpre lembrar que o prazo de solicitude destes préstamos remata o 30 de setembro, malia que o número de solicitudes é moi elevado, polo que é importante realizar os trámites canto antes para evitar que se esgote a partida de 250 millóns de euros asignada para estes apoios.
A xuntanza tivo moi boa acollida entre as empresas e comercios participantes que agradeceron á Xunta e ao Concello a iniciativa de convocar este encontro por medios telemáticos no que tamén estiveron presentes distinto persoal técnico das consellerías de Economía, Emprego e Industria, Mar, Medio Ambiente e Cultura e Turismo.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
