Santiago de Compostela, 15 de Maio 2020. O BNG, a través da deputada Montse Prado, rexistra no Parlamento unha pregunta oral en pleno na que pide ao Goberno da Xunta que explique “en base a que criterios democráticos e institucionais” exclúe ao sindicato CIG das reunións para tratar a situación laboral, económica e social motivada pola crise orixinada pola COVID-19, pese a ser a primeira central sindical en Galiza.
Segundo información recollida nos medios de comunicación, o 13 de maio o presidente da Xunta reuniuse de forma telemática cos secretarios xerais de UGT, Comisións Obreiras e con representantes da CEG para tratar a situación laboral, económica e social consecuencia da pandemia da COVID-19.
O BNG considera inxustificábel que Feixóo non convoque á CIG, o que a deputada entende como “un exercicio de discriminación totalmente reprobable”, tendo en conta que é a primeira central sindical do país tanto en número de delegados e delegadas como en afiliación, polo que ten que ser un interlocutor principal á hora de abordar a situación laboral, económica e social, en todo momento, mais de xeito especial neste proceso de desescalada tras o confinamento pola pandemia orixinada pola COVID-19.
“Consideramos de extrema gravidade que por parte do presidente da Xunta non se respecte a lexítima representación dos miles de traballadores e traballadoras que representa a CIG, nunha clara mostra de sectarismo desde o punto de vista institucional e de comportamento democrático”, indica Prado na iniciativa, “con este proceder o xefe do Executivo mostra con claridade a súa faciana máis antidemocrática ao usar a institución que representa para practicar a exclusión e o sectarismo”.
Así mesmo, recolle a deputada, “evidencia que non ten unha vontade real de sumar e de construír entendementos para afrontar a gravísima situación actual tanto no laboral como no social e económico, ocasionada pola crise sanitaria, non querendo coñecer as análises e propostas que a central nacionalista ten para afrontar o proceso de retorno á actividade e as problemáticas existentes na crise derivada da emerxencia sanitaria. Este actuación precisa ser explicada por por esa razón o BNG presenta esta iniciativa”, conclúe.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
