Viveiro, 18 de maio, 2020. A Banda de Música de Arca, a Banda de Música de Chapela, a Banda de Música de Vilatuxe e a Banda Municipal de Música “O Landro” de Viveiro non quixeron deixar pasar a ocasión de homenaxear a figura de Carvalho Calero nunha data na que todas acostuman a facer concertos. Nesta nova normalidade, as bandas tiveron que adaptarse aos tempos e traballaron xuntas para sacar adiante unha proposta colaborativa entre as catro asociacións que viu a luz a tarde de onte.
Un programa especial emitido na canle de Youtube da Banda de Música de Arca que combinou entrevistas e música. Carlos Rodríguez, Andrés Álvarez, Simón Couceiro e Antón Alcalde, compositores do pasodobre e obras que puideron escoitarse ao longo da tarde, responderon ás preguntas das bandas sobre as motivacións das propias pezas pero tamén, de como se enfrontan á creatividade en tempos de coronavirus. A figura homenaxeada nesta edición, Carvalho Calero, estivo representada en pantalla pola escritora e docente Inma López Silva que fixo un repaso pola vida e obra do de Ferrol e lamentou que tras terlle sido negada esta homenaxe en diversas ocasións polas súas polémicas, vivamos esta situación no momento no que finalmente se lle concede.
Non faltaron tampouco os directores das formacións que comentaron como lles está a afectar a situación e que propostas teñen para os próximos meses. Víctor Vilariño, director da Banda de Música de Vilatuxe, asegurou que o primeiro que fixo foi “sacar o metro e medir cantos rapaces me collían no local de ensaio”. Carlos Timiraos, da Banda Municipal de Música “O Landro” Viveiro, propoñía acompañar os aplausos das oito da tarde a ritmo de pasarrúas polas rúas de Viveiro. A proposta non puido ser mellor recibida: máis de 1000 persoas sintonizaron nalgún momento coa emisión de case dúas horas.
O broche de ouro deste programa era, sen dúbida, a versión confinada do Himno Galego no que participaron 175 músicas e músicos das catro bandas cunhas colaboracións moi especiais: as voces das artistas Lucía Pérez, Najla Shami e Esperanza Mara. A recoñecida e polifacética Familia Vázquez interpretou as verbas de Eduardo Pondal en lingua de signos.
Directores e presentadores despediron o programa apelando a unha xuntanza en vivo e directo das formacións en canto sexa posible, para que este proxecto colaborativo non remate neste programa especial do confinamento para celebrar as Letras Galegas.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
