Burela, 27 de maio de 2020. O alcalde, Alfredo Llano, fai unha chamada á unión para defender a continuidade de Alcoa na Mariña. E tamén aposta polo resto do tecido comercial, industrial e social.
O rexedor dixo: “agora mesmo, que estamos entrando na fase 2 e supoñemos que en pouco tempo se vai recuperar a posibilidade de circular polas catro provincias galegas, debemos preocuparnos colectivamente da cuestión socioeconómica. E sobre todo pensando aquí, na Mariña, hai que defender todos aqueles postos e aquela estrutura social e económica que está montada e que leva moito tempo permitindo vivir a moita xente dun soldo digno”.
Para Alfredo Llano: “agora mesmo hai moitas cuestións que preocupan, pero unha que está de actualidade é o tema de Alcoa. Mañá van ter unha reunión o comité de empresa con representantes de Alcoa, na que van falar do futuro da factoría. Debe ser un compromiso colectivo por parte daqueles que representamos á sociedade, tanto en Burela como no conxunto da Mariña, e estar todos xuntos para defender os postos de traballo, como é normal, de Alcoa na actividade produtiva. Así que o compromiso debe ser compartido e decidido para defender estes postos de traballo e reclamar a quen corresponda, tanto ao Goberno central como á Xunta de Galicia, e tamén a todos os Concellos da Mariña para apostar todos xuntos por manter estes postos de traballo e a actividade”. O alcalde burelés engadiu: “e ao mesmo tempo hai que pensar tamén no resto do tecido económico e social, como a pesca, o turismo, o comercio, a hostalería, etcétera; todo o que realmente mereza a pena poñelo a funcionar o antes posible e da mellor maneira. Hai que ter claro que debemos defendelo entre todos e apostar dunha forma clara, rigorosa e con garantías para ter confianza no futuro”.
Llano sinalou con respecto a Alcoa: “imos ver que sae desa reunión de mañá, pero é unha responsabilidade política e social apostar por manter esa actividade e reclamar onde haxa que facelo todo o que poida aportar algo positivo e que realmente asegure a continuidade desta empresa na Mariña. Iso é moi importante, igual que debemos estar atentos a todo o resto do tecido comercial, industrial e social”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
