San Cibrao, 11 de xuño. O candidato de Galicia en Común-Anova Mareas á presidencia da Xunta e portavoz da coalición, Antón Gómez Reino, asegurou hoxe que “se non hai unha solución de futuro para Alcoa antes do 12 de xullo, o futuro Goberno de progreso da Xunta fará unha intervención pública decidida para garantir o emprego e a viabilidade das dúas factorías en Galicia”.
Gómez Reino, e o cabeza de lista por Lugo, Miguel Anxo Fernán Vello, mantiñan hoxe unha xuntanza co Comité de Empresa da antiga Alcoa en San Cibrao, na que recolleron o malestar dos representantes sindicais logo de encallar a negociación coa empresa na tarde de onte.
O portavoz trasladoulles a proposta da coalición de urxir un plan de rescate de Alcoa no que se impliquen todas as Administración públicas con todos os recursos precisos para garantir tanto os empregos como a viabilidade da planta.
“Levamos meses e mesmo anos reinvindicando e mobilizándonos ao carón dos seus traballadores: esta factoría é fundamental para A Mariña, para Lugo e para o país. Cómpre lembrar que é a única planta de producción de aluminio primario do Estado”, remarcou Gómez Reino. “É fundamental e imprescindible garantir todos os empregos a viabilidade no inmediato, pero tamén a medio e longo prazo das dúas fábricas de Alcoa en Galicia”.
“Hai sensibilidade e vontade do Ministerio de Industria de procurar unha solución pero creo que é evidente que o señor Feijoo é o mudo nesta situación. Leva anos sen facer nada nin por Alcoa nin polo conxunto do tecido industrial galego”.
“Desde Galicia en Común sinalar a absoluta irresponsabilidade do popular Núñez Feijóo, que en dez anos de Goberno con plenas competencias da Xunta en Industria, tal e como lle faculta o artigo 30 do Estatuto de Autonomía de Galicia; Feijóo mirou para outro lado, centrouse en desviar o foco da súa inacción e foi un espectador pasivo e cómplice do desmantelamento da industria de Galicia e da destrución de miles de postos de traballo no sector e da depauperación de comarcas enteiras”.
“Alcoa é o exemplo máis dramático de como a desidia e a incompetencia dun gobernante borra a Galicia do mapa, subsumida na súa ambición persoal e política. Con Feijóo, Galicia non existiu. Gardou silencio mentres se desmantelaba o país e estamos convencidos de que mirará para outro lado despois das eleccións”, sinalou Gómez Reino.
“Non o permitiremos”. remarcou o voceiro. “O futuro Goberno de progreso a fronte da Xunta exercerá as competencias que ten atribuídas para garantir a viabilidade de Alcoa na Coruña e San Cibrao e traballar arreo no deseño dun novo modelo produtivo para Galicia que ofreza seguridade xurídica e o apoio institucional ás empresas para garantir non só o mantemento do emprego, senón a creación de postos de traballo no sector”.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
