Lugo, 18 de xuño de 2020.- A subdelegada do Goberno, Isabel Rodríguez, visitou hoxe a dirección provincial do Instituto Nacional da Seguridade Social, para interesarse pola posta en marcha na provincia de Lugo do Ingreso Mínimo Vital, unha prestación que acaba de crear o Ministerio de Inclusión, Seguridade Social e Migracións e que se pode solicitar desde o pasado luns, día 15 de xuño.
A subdelegada, que se reuniu co director provincial do INSS, Juan José Rodríguez Gude, destacou a importancia desta prestación “unha medida moi importante, que supón un avance social na loita contra as desigualdades, á que todos aspiramos nunha sociedade moderna”.
Na provincia de Lugo, calcúlase que o Ingreso Mínimo Vital chegará a uns 5.000 fogares, o que supón arredor de 13.000 persoas beneficiarias, segundo informou á subdelegada o director provincial do INSS. A Seguridade Social xa lle recoñeceu de oficio esta prestación a 922 fogares, que cobrarán por primeira vez o Ingreso Mínimo Vital a finais de mes.
O director do INSS tamén informou á subdelegada do Goberno das xestións que está a facer cos concellos da provincia para trasladarlles a información necesaria sobre esta nova prestación que acaba de poñer en marcha o Goberno. Nos últimos días, o director provincial da Seguridade Social enviou información a todos os concellos da provincia sobre os requisitos e a tramitación do Ingreso Mínimo Vital. Ademais, Rodríguez Gude tamén ten previsto manter reunións cos principais concellos para que os servizos sociais municipais estean ao tanto e poidan facilitar información sobre este recurso público a todos os posibles beneficiarios.
O Ingreso Mínimo Vital, que está acompañado por un itinerario de inserción laboral, diríxese a persoas de 23 a 65 anos que estean en situación de vulnerabilidade económica. Tamén se poden beneficiar del os menores de 23 anos que teñan fillos ao seu cargo. En función das circunstancias de cada fogar, esta prestación garante uns ingresos anuais de 5.538 a 12.183,60 euros (entre 416,50 e 1.015,30 euros ao mes).
As solicitudes desta prestación poden presentarse, polo momento, a través da web da Seguridade Social (http://www.seg-social.es/wps/portal/wss/internet/Inicio)
e tamén se poden enviar por correo ordinario ao Instituto Nacional da Seguridade Social. Para consultas, existe un teléfono de información sobre o IMV 900 20 22 22
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
