Ribadeo, 22 de xuño de 2020. O Centro Integrado de Formación Profesional (CIFP) Porta da Auga, de Ribadeo, recupera o ciclo formativo de Carrocería para o curso 2020-21. O prazo de presentación de solicitudes de admisión para os ciclos formativos de grado medio e superior comeza este xoves, día 25, ás 09:00 horas e rematará o 8 de xullo.
O director do centro, Isidro Berdeal, anuncia que “de cara ao vindeiro curso académico 2020-2021 o CIFP Porta da Auga vai seguir ofrecendo os ciclos de formación profesional básica de Administración e xestión e de Transporte e mantemento de vehículos. En canto a ciclos medios imos seguir tendo o de Xestión administrativa, tanto en oferta ordinaria como en modular a distancia; de Instalacións eléctricas e automáticas; de Atención a persoas en situación de dependencia; Electromecánica de vehículos; e recuperamos a oferta formativa do ciclo de Carrocería, que no tivemos no centro o curso pasado. En cando aos ciclos formativos de grao superior teremos o de Administración e finanzas, o de Educación infantil e o de Automoción”.
Isidro Berdeal engadiu que “na familia profesional de Edificación e obra civil vamos ter o ciclo medio de Obras de interior, decoración e rehabilitación, en oferta modular en horario de adultos, de seis da tarde a once da noite; ao igual que, na familia profesional de Electricidade e electrónica, o ciclo superior de Sistemas electrotécnicos e automatizados, que tamén se impartirá nese mesmo horario”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
