Lugo, 24 de xuño, 2020. A cabeza de lista da candidatura do PPdeG pola provincia de Lugo ás eleccións ao Parlamento galego, Elena Candia, mantivo unha reunión co presidente da Asociación Profesional de Ximnasios e Actividades Físicas de Lugo, José Manuel Gómez; para amosar o seu apoio ao sector “tal e como merece pola súa implicación no proceso de sensibilización do conxunto da sociedade sobre a importancia da práctica deportiva para a mellora da nosa saúde”.
A popular explica que “a importancia do deporte e da actividade física se confirmou con episodios como o que vivimos por mor do confinamento derivado da pandemia do coronavirus”. Non esquece que “a práctica habitual de exercicio repercute de forma directa na saúde das persoas e por iso as administracións públicas deben potenciala e apoiar as distintas iniciativas que xorden neste sentido”. Nese sentido, sinala o incremento do número de ximnasios e de distintos establecementos relacionados coa actividade física na nosa provincia nos últimos anos e destaca “a profesionalización do sector”.
Candia, que recolleu as demandas e inquietudes do colectivo, sinala que “este sector está atravesando momentos difíciles” ao recordar que “durante o período de emerxencia sanitaria os ximnasios tamén se viron obrigados ao peche” ata a súa recente reapertura aplicando as medidas hixiénico-sanitarias necesarias para garantir a protección dos seus usuarios ante a covid-19.
Ante esta situación, a popular amosoulle ao presidente do colectivo na provincia o seu compromiso de “trasladar ante o Goberno galego a necesidade de estudar a implantación de medidas de impulso ao sector”. Nese sentido, recorda Candia que “a Xunta ten amosado o seu compromiso e vontade de traballo de cara á reactivación do tecido produtivo galego” e, nesa liña, “dispuxo medidas dirixidas a autónomos e pemes, dentro do Plan de reactivación económica de Galicia, para facer fronte aos retos que se presentan trala situación derivada da covid-19”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
