Alfoz, 24 de xuño de 2020. A Secretaria Provincial do PSdeG-PSOE na provincia de Lugo e candidata ás eleccións autonómicas, Patricia Otero criticou a folla de ruta iniciada polo PP co abandono do rural. Así o dixo tras manter unha xuntanza co Alcalde de Alfoz, Jorge Val, no que denunciaron que o PP da as costas á veciñanza que quere traballar e vivir no rural lucense.
Otero defendeu un medio rural “vivo e revitalizado, no que todas e todos teñamos posibilidades para vivir dignamente con salarios e ingresos dignos, que garantan a igualdade e cos mesmos servizos con aqueles cidadáns que viven nas cidades”. Criticou que Feijóo “deixou sen executar 305 millóns de euros nas dúas partidas para fixar poboación no rural. Para Feijóo o rural só se converteu nun eslogan, os problemas das súas veciñas e veciños non lle importan”.
A dirixente socialista lembrou os recortes das convocatorias impulsadas polo Goberno de Feijóo. “Concretamente xa denunciamos os programas do plan Marco de Camiños da Xunta que se rebaixou nun 1 millón de euros na provincia de Lugo, ademais do reparto caciquil e clientelar do programa Aprol Rural. Estes son dous claros exemplos da desidia do Goberno do PP co rural e cos veciños do rural”, insistiu.
Nesa liña a dirixente socialista puxo en valor o traballo que se realiza dende a Deputación de Lugo para revitalizar o rural na nosa provincia. “Acabamos de ver a posta en marcha do plan Prende! Bota Raíces no Rural, que da formación a 50 mozos e mozas. Trátase dun proxecto que ten como obxectivo crear emprego xuvenil e fixar poboación nas zonas menos poboadas da provincia. Esta é a folla de ruta que temos que seguir, aquí hai compromiso e a hai futuro para as mozas e mozos que queren vivir e traballar nas nosas parroquias e nosas aldeas”, expuxo.
Pola súa banda o Alcalde de Alfoz, Jorge Val aludiu aos graves problemas aos que ten que facer fronte ante o abandono da Xunta de Feijóo. “Nesta vila non hai PXOM, a concentración parcelaria segue sen rematar e tampouco temos polígono industrial. Onde está a Xunta e o Goberno de Feijóo para impulsar o rural e os pequenos concellos da provincia?”, preguntouse.
Normas subsidiarias comprometidas pola Xunta
Val tamén fixo alusión a aprobación das normas subsidiarias comprometidas pola Xunta. “O dilatado proceso de concentración parcelaria leva 22 anos afectando a oito das nove parroquias do noso concello, e así seguimos, a Xunta de Feijóo non fixo nada de nada. E quero advertir que esta desatención conlevou a un abandono paulatino da nosa vila. Moitos veciños marcháronse porque aquí non hai vivenda e os que querían investir non querían problemas urbanísticos”, dixo.
Medidas tralo COVID
Ademais tamén aludiu as novas medidas sanitarias que teñen que afrontar os concellos tralo COVID. “Os parques infantís, as piscinas municipais, o pavillón municipal ou os servicios sociais, ..as novas medidas para a apertura e o funcionamento destas instalacións municipais do Goberno de Feijoo para aparentar normalidade, non van acompañadas de dotación orzamentaria algunha, estamos sós fronte a todo. A Xunta impón funcións de forma pouco realista, sen ter en conta as necesidades económicas e de persoal de cada concello”, lamentou.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
