Viveiro, 25 de xuño de 2020. O Concello de Viveiro anuncia á veciñanza que os servizos das praias comezarán coa temporada de baño oficial, que vai dende o 1 de xullo ao 31 de agosto, polo que o mércores que vén abrirán tanto as duchas como os aseos das praias.
Ese mesmo día empezará tamén a limpeza dos areais, que este ano se retrasou un pouco con respecto ao que era habitual, tendo en conta que a Xunta de Galicia non concedeu a este concello a subvención para a contratación temporal de persoas en situación de risco de exclusión social perceptoras da Risga, que se adoitaban dedicar á limpeza das praias.
Esta decisión da Xunta motivou que tampouco resultara posible realizar o proceso de selección de persoal para estas tarefas; por este motivo, solicitouse orzamento a varias empresas co fin de poder contar con este servizo para o inicio da temporada de verán.
Debido á crise sanitaria provocada polo COVID-19, e seguindo a normativa e protocolos establecidos, vaise reforzar a limpeza creando un servizo de desinfección que desinfectará os aseos, duchas e demais infraestruturas das praias catro veces ao día, entre as 12:00 e 8:00 horas, coincidindo co horario de maior afluencia.
Polo que atinxe ao servizo de socorrismo, está previsto que comece a prestarse na segunda semana do mes de xullo; este servizo, reforzarase coa incorporación de persoal da piscina municipal.
Finalmente, o concello colocou carteis en todas as praias indicando as normas e medidas establecidas en aras a garantir a saúde e seguridade de todos e todas; o persoal do servizo de socorrismo velará polo seu cumprimento.
Unha vez máis, dende o goberno municipal apélase a concienciación e responsabilidade de todos os veciños e veciñas para que se respecte a distancia social de 1,5 metros e todas as demais medidas de seguridade e hixiene establecidas para preservar a seguridade e saúde pública.
O Concello de Viveiro pon en marcha o 1 de xullo os servizos nas praias reforzando a limpeza pola crise do coronavirus
Relacionado
-
O Grupo Socialista reclama ao Goberno de Viveiro a limpeza preventiva de sumidoiros, avances nas xestións con Portos de Galicia e unha actuación integral nos viais de Pallaregas–Vieiro
-
Barreiros insta á Xunta a rectificar a exclusión dos campamentos municipais do Bono Concilia Familias 2026
-
San Román de Vilaestrofe celebra as festas do Pilar e do Carme os días 11 e 12 de outubro
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
