Viveiro, 29 de xuño de 2020. O Concello de Viveiro anuncia á veciñanza que este mércores, 1 de xullo, pechará as súas instalacións como mostra de solidariedade cos traballadores de Alcoa, que farán unha folga nesa xornada, e reivindica unha solución urxente que evite os despidos
A factoría de Alcoa en San Cibrao atópase nunha grave situación, tras o anuncio por parte da empresa dun despido colectivo que afecta a 534 empregados de forma directa ademais de afectar a un gran número de traballadores de forma indirecta.
Na planta de Alcoa San Cibrao traballan de forma directa unhas 2000 persoas, incluíndo o persoal da factoría e o das empresas auxiliares, ademais de xerar miles de postos de traballo de forma indirecta en toda a comarca; unha parte importante do PIB da provincia de Lugo corresponde a esta fábrica e que o seu impacto económico na é fundamental, polo que este anuncio de despido por parte da propietaria da factoría supón un grave prexuízo económico para toda a comarca, que de facerse realidade suporía unha hecatombe para Viveiro e o resto de municipios da Mariña, xa de por si castigada pola industria e afectada neste momento pola crise económica derivada do COVID19.
Tendo en conta que os traballadores da factoría de San Cibrao e das empresas auxiliares farán unha folga o 1 de xullo para reivindicar unha solución urxente a esta situación e tendo en conta, así mesmo, que hai diversos comercios de Viveiro que o vindeiro mércores tamén permanecerán pechados, dende o goberno municipal vén de acordarse o citado peche das instalacións municipais o vindeiro 1 de xullo como mostra de solidariedade cos traballadores de Alcoa e das empresas auxiliares para reivindicar unha solución urxente que evite os despidos anunciados e que garanta o futuro desta factoría, fundamental para a comarca, así como o mantemento de todos os seus postos de traballo.
Para garantir a atención á cidadanía manteranse operativos os servizos do Rexistro Municipal, o Padrón de Habitantes, a atención telefónica na Casa do Concello e no Centro de Servizos Sociais, as citas previas concertadas no servizo de Catastro, Policía Local e Protección Civil.
Manteranse abertos e operativos os servizos do Cemiterio, Praza de Abastos e Matadoiro; así como os servizos de abastecemento domiciliario de auga potable e sumidoiros e recollida de residuos sólidos urbáns, limpeza viaria e punto limpo.
Dende o goberno municipal quérese amosar publicamente, unha vez máis, a súa preocupación pola situación na que se atopa a planta de alúmina-aluminio de San Cibrao, manifestando a súa total solidariedade cos empregados de Alcoa e das súas empresas auxiliares e instando ás administracións competentes a buscar unha solución definitiva para garantir a continuidade da factoría na comarca.
O Concello de Viveiro pon ademais un autobús a disposición das persoas que queiran asistir á manifestación que terá lugar en Santiago de Compostela este mércores 1 de xullo, ás 12:00 horas en apoio aos traballadores e traballadoras de Alcoa, para garantir a continuidade da factoría e o mantemento de todos os postos de traballo.
Este autobús sairá ás 08:30 horas da estación de autobuses de Viveiro. Ten un total de 55 prazas e será obrigatorio o uso de mascarilla durante todo o traxecto.
As persoas que queiran facer uso deste servizo, deben reservar a súa praza chamando ao teléfono 982.560.128 ou enviando un correo electrónico ao enderezo apuntesviveiro@viveiro.es.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
