BURELA .- O alcalde de Burela, Alfredo Llano, asegura que as taxas municipais son responsabilidade do equipo de goberno e di que “tomamos unha decisión e fixémolo tentando beneficiar ao conxunto da poboación”. O rexedor engade que “de todos os xeitos o partido da oposición ten a súa oportunidade de falar e de analizar estas taxas nas comisións informativas que temos pendentes para o vindeiro luns e incluso si chegara o caso podería modificarse ou sustituirse algunha. Xa digo nós adoptamos esta decisión en base a unha responsabilidade”. Alfredo Llano considera que “antes de que remate o ano teremos que elaborar os presupostos municipais e desde a oposición tamén poden presentar suxestións. Nós estamos abertos a escoitalos”.
Sobre as taxas municipais de 2009, o alcalde de Burela asegura que “tivemos en conta o momento económico que se está a vivir e quixemos beneficiar ao conxunto da poboación. Aquelas taxas que de forma global teñen que pagar todos os cidadáns ou ben se conxelan ou ben baixan, como é o caso do IBI”.
O pleno no que se someterán a aprobación ditas taxas será o mércores 29 de outubro ás oito da tarde no Concello de Burela.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
