A Mariña, 29 de xuño, 2020. Os candidatos populares ao Parlamento galego, José Manuel Balseiro e Daniel Vega, aseguraron este luns na Mariña que “o Goberno de Feijóo é a garantía de que a nosa comarca siga recibindo investimentos para a mellora das nosas infraestruturas portuarias. Así o ten demostrado con feitos”, engadiron durante unha visita á Confraría de Pescadores de Ribadeo e a Burela que contou coa participación da conselleira do Mar, Rosa Quintana.
Un dos exemplos da “implicación do Goberno galego cos mariñáns e as infraestruturas para o desenvolvemento de diversas actividades relacionadas co mar” constitúeo “a mellora do mobiliario para o seu uso por parte da Confraría de Pescadores de Ribadeo que lle permitirá optimizar as súas xestións diarias”. Neste caso, a mellora das súas instalacións coa modernización das oficinas da entidade foi posible tras acadar a cesión de uso de mobiliario por parte da Xunta de Galicia e co apoio da Federación Galega de Confrarías.
Os populares explicaron, por outra banda, que “Portos de Galicia investiu preto de 400.000 euros na recuperación do calado -ata alcanzar preto da cota -4- na canle de acceso a Mirasol e ao peirao deportivo de Ribadeo”. As obras de dragaxe que se atopan na fase final afectaron a unha lonxitude de 500 metros e a un ancho de 60 metros.
Asemade, tamén destacaron que Portos de Galicia ten xa en exposición pública o proxecto de dragaxe xeral da dársena de Ribadeo, e que incluirá a canle de acceso, a dársena náutico-recreativa de Porcillán, a dársena pesqueira así como tamén o peirao comercial de Mirasol, co obxectivo de recuperar o calado necesario. Os traballos prevén a execución de catro actuacións de dragaxe, unha primeira para a ampliación do calado, e tres posteriores de mantemento. En total extraeranse ao redor de 250.000 metros cúbicos de area. En canto aos áridos recuperados, proponse o seu aproveitamento para a rexeneración do areal de San Miguel de Reinante. O orzamento estímase en 3 millóns de euros.
Os candidatos do PPdeG lembraron que “a actuación do dragado en marcha súmase aos 7,9 millóns de euros que Portos de Galicia leva investidos en Ribadeo dende o 2009”, polo que, en conxunto “as achegas ao porto ribadense superan os 8,3 millóns neste período”.
“A este esforzo inversor para levar a cabo destacadas melloras nas infraestruturas do porto ribadense para contribuír a facilitar o desenvolvemento da actividade marítimo-pesqueira, hai que engadir tamén máis de 113.000 euros do plan de investimentos menores en portos e 283.000 dirixidos ao mantemento de infraestruturas portuarias”, puntualizaron.
BURELA
Balseiro e Vega puxeron en valor durante a súa visita a Burela acompañados da conselleira do Mar e o voceiro municipal do PP, Manuel Rouco, as últimas actuacións do Goberno galego dirixidas a mellorar a operatividade das instalacións do porto burelés que, ao mesmo tempo, ofrecen máis abrigo para a frota: a construción do segundo martelo.
Os candidatos populares lembraron a achega de máis dun millón de euros que o Goberno de Feijóo dirixe á ampliación en 8 metros do porto sur situado xunto á lonxa de ABSA e á construción dun espigón de 50 metros de lonxitude. “Con esta actuación, a Xunta da resposta ás necesidades trasladadas polo sector que ten demandado este segundo martelo para reducir a axitación no interior das dársenas, amortiguar a ondada do dique e, ao mesmo tempo, aumentar o espazo de atraque”, indicaron.
No seu conxunto, o Goberno galego leva achegado dende o 2009 preto de nove millóns de euros dirixidos ao porto de Burela e, a esta cantidade, haberá que engadir tamén os máis de 230.000 euros que están previsto investir o vindeiro ano nas obras de mellora, remodelación e acondicionamento da nave de redes.
Balseiro e Vega reiteraron “o cumprimento de Portos de Galicia coas súas competencias en relación ao mantemento das instalacións portuarias” e resaltaron “a vontade do Goberno de Feijóo de estudar as propostas do sector de cara á implantación de melloras tal e como leva feito nos últimos dez anos”, concluíron.
ASOCIACIÓN DE XUBILADOS A MONCLOA
Os populares mantiveron tamén un encontro con membros da asociación de xubilados A Moncloa, de Burela, que se reúnen tódolos días no local social situado na antiga lonxa e que Portos de Galicia contribuíu a acondicionar.
Tras escoitar as súas propostas, os candidatos do PPdeG destacaron “o valor” que supón que o colectivo integrado por xubilados do sector pesqueiro achega parte das súas pensións para facer doazóns a entidades benéficas locais.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
