Santiago de Compostela, 3 de xullo 2020. A candidata á Presidencia, Ana Pontón, trasladou a preocupación do BNG ante o rebrote de coronavirus que se está a vivir na Mariña de Lugo onde s cifras que se coñecen empezan a ser moi graves: máis de 50 persoas contaxiadas e máis de medio millar confinadas. E, ante esta situación, a líder nacionalista pregúntase onde está o protocolo do Goberno da Xunta para afrontar unha situación que era previsible, pero ante a que o candidato Feixóo está respondendo “desde a improvisación e con frivolidade” pese a tratarse dunha cuestión de saúde pública.
“Pregúntome que está facendo o Goberno da Xunta ante este rebrote, pregúntome onde está o protocolo para determinar como actuar ante un rebrote porque o que vemos até o momento é un Goberno que actúa con improvisación ante un tema prioritario como é asaúde das persoas estando no medio dunha pandemia”, salientou Pontón na Coruña, onde mantivo un encontro co sector da cultura.
“Como é posible que a única declaración que ten feito Feixóo sobre este asunto sexa dicir que a cuestión se limita a pechar dous ou tres bares na Mariña? O presidente da Xunta non é capaz nin de concretar que establecementos se pecharon? Que clase de frivolidade é esta cando se está falando da saúde das persoas? Que clase de irresponsabilidade? Tivo catro meses para facer un protocolo de actuación precisamente para afrontar unha situación como a que se está vivindo na Mariña, onde está ese protocolo?”, interpelaba Pontón.
A candidata á Presidencia tivo palabras de alento e de confianza para as persoas afectadas pola COVID19 e para o conxunto da comarca, e puxo ao BNG a súa disposición desde a total colaboración. “Quero enviar unha mensaxe de ánimo e de afecto a todas as persoas afectadas polo coronavirus e desexarlles unha pronta recuperación, e tamén as persoas confinadas, a elas e a toda a comarca, quero enviarlles unha mensaxe de tranquilidade e de confianza”, indicou.
“E, desde logo, trasladar que o BNG está a disposición dos galegos e das galegas porque o prioritario é a saúde da nosa xente e non debemos esquecer que estamos no medio dunha pandemia”. Neste sentido, o BNG tomou a decisión de cancelar todos os actos públicos de campaña na Mariña, “por prudencia e responsabilidade”, incluído o mitin previsto na tarde do sábado no concello de Barreiros.
Pontón subliñou que a Xunta ten competencias plenas en sanidade e a responsabilidade de establecer un protocolo claro, que concrete os pasos a dar, os medios a mobilizar, as medias inmediatas a adoptar, a cadea de mando que hai que seguir, a coordinación de todos os axentes implicados, todo co obxectivo de minimizar calquera rebrote. Pero nada diso se fixo até agora, criticou.
“En lugar de ter ese protocolo o que vemos é o candidato Feixóo comparece todos os días en actos de campaña electoral, pero non está cumprindo as súas obrigas como presidente do Goberno”, alegou Pontón, a quen ningunha “obrigación” lle parece máis perentoria neste momento “que ter un protocolo para afrontar unha situación que todos e todas sabíamos que se podía producir, esa é a responsabilidade que ten a Xunta de Galiza e, insisto, pregúntolle a Feixóo onde está o protocolo para afrontar unha situación de rebrote cando tivo catro meses para elaboralo. Considero que é unha irresponsabilidade actuar coa frivolidade que está mostrando estes días”, concluíu.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
