Ribadeo, 9 de xullo, 2020. O voceiro do Grupo Municipal Popular de Ribadeo, Daniel Vega, propón “inxectar diñeiro público no tecido económico ribadense”. Así o explicou trala súa participación nunha comisión municipal de comercio onde destacou “as axudas da Xunta de Galicia dirixidas a ACISA e á Praza de Abastos que se van solicitar”.
“Trátase dunha achega de 40.000 euros para a asociación de comerciantes dirixida a apoiar as actividades que realiza o colectivo ao longo do ano a favor do comercio e, polo tanto, a favor da dinamización económica de Ribadeo”. E, no mesmo sentido, “a Praza de Abastos verase beneficiada dunha axuda de 9.600 euros”, dixo.
“Nesta comisión falamos moito dos apoios e investimentos do Goberno galego ao tecido empresarial e comercial, pero moi pouco sobre os do goberno local”, explicou Vega. Isto débese, segundo o popular, a que “o goberno do BNG ribadense sigue cobrando os impostos da auga, lixo, IBI, impostos de actividades económicas, etc”. De feito, “a primeira e única decisión que tomou o alcalde tralo estado de alarma foi a recuperación do cobro de impostos e o anuncio dunha nova normativa que afectará ás terrazas porque a administración local cobrará pola ocupación do espazo público”.
O Grupo Municipal Popular xa ten manifestado o seu rexeitamento a esta decisión unilateral e reiterado a súa petición de non cobrar este tipo de taxas e impostos municipais nin no ano 2020 nin ano 2021. Os populares defenden unha inxección económica tal e como recollían no Plan Reactiva Ribadeo que teñen proposto formalmente ante o Pleno e que contou co rexeitamento do equipo de goberno do BNG.
PLAN REACTIVA RIBADEO
Vega insiste en que “o Plan Reactiva Ribadeo ten que ser unha realidade” e, polo tanto, explica que “volvemos presentar para o vindeiro pleno iniciativas coas que, ademais de pedir a supresión temporal do cobro de taxas e impostos municipais; se dote ao plan de recuperación dun millón de euros”. O voceiro do Grupo Municipal Popular explicou que “esa dotación procedería do Fondo de Cooperación Local da Xunta, o Plan Único da Deputación, da recadación dos impostos e tamén do orzamento que estaba previsto destinar para festas e outros eventos”.
Mentres que “outros concellos xa puxeron en marcha distintas iniciativas coas que destinar cartos para contribuír a reactivar a economía local; nin o alcalde nin o concelleiro de Economía de Ribadeo falaron de poñer orzamento enriba da mesa. Moito pedir á Xunta e pouco propoñer dende o goberno local”, lamentou.
O voceiro do Grupo Municipal Popular de Ribadeo criticou, así mesmo, que “pidan eliminar actividades nos vindeiros días”; pero que a súa aportación ante esta situación sexa “cobrar taxas e impostos -en lugar de suprimilos de forma temporal-; ademais de non falar nunca de poñer diñeiro público para reactivar a nosa economía”
Vega pide tranquilidade e responsabilidade ante estes momentos tan complexos e asegura que “seguiremos traballando dende o Grupo Municipal Popular para favorecer todo o noso tecido económico local”, concluíu.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
