Ribadeo, 13 de xullo de 2020. O Real Club Náutico de Ribadeo izou hoxe, luns, as súas bandeiras azul e Q de calidade turística no porto deportivo de Porcillán. Ao acto, celebrado este mediodía, asistiron representantes da corporación municipal e da Asociación de Comerciantes, Industriais, Servizos e Autónomos (ACISA) ribadense xunto a membros da directiva do club, que observaron atentamente como a nena Elena izaba as dúas bandeiras.
O presidente do Real Club Náutico de Ribadeo, Ramón Acuña, declarou que “este sinxelo acto non é nada máis que un recoñecemento ao labor destes 8 anos nos que levamos aquí. É o oitavo ano no que temos a sorte de izar esta bandeira que certifica que o porto de Ribadeo é un porto dos mellores de Galicia. Tanto é así que estamos no ranking dos sete primeiros portos deportivos que ten Galicia, tanto en número de tránsitos como en instalacións”.
Acuña tamén recalcou a importancia das instalacións coas que conta actualmente o club: “temos unhas instalacións coidadas. Neste momento, que é o último acto que esta directiva promove, deixamos para as eleccións que temos este venres, unhas instalacións de primeira orde, coidadas, con servizos para todos os socios, sen menoscabo de ningún deles, porque todos somos participes dunhas instalacións dunha entidade que nunca, polo menos no tempo que levamos nós, estivo en contra de ninguén, estivo soamente loitando por aclarar as circunstancias que levaron á situación que estamos a vivir. E neste momento ímonos coa satisfacción do deber cumprido.”
O presidente do RCNR engadiu: “Se se analizan as propostas que nós presentamos no ano 2009 e posteriormente no 2012 neste momento están plenamente cumpridas. Deixamos un club saneado, con todas aquelas propostas de instalacións a realizar feitas e coa satisfacción de saber que neste momento a Xunta de Galicia xa tomou en conta a decisión do peche da bocana e a apertura da nova bocana no canal sur, e polo tanto nós podémonos sentir orgullosos neste momento de deixar un club náutico perfectamente orientado ata os anos vindeiros. Eu confío en que os substitutos que collan as rendas teñan a sorte que tivemos nós e o coidado esmerado en manter as instalacións”.
Ramón Acuña agradeceu a presenza aos asistentes ao acto e tamén ao alcalde de Ribadeo, Fernando Suárez, e aos representantes da Xunta convidados, que se desculparon por non poder asistir: “reiterar o agradecemento pola nosa parte a vós, que estades aquí, un ano tras outro. Tamén quero darlle as grazas a Fernando Suárez, que non pode estar no acto porque ten outro compromiso ineludible, e tamén á Xunta, que se desculpou pola súa falta de asistencia polo problema da pandemia que estamos sufrindo nesta comarca. Eu confío en que isto sexa unha cuestión pasaxeira, que volvamos retomar á nosa vida e Ribadeo poida gozar dun verán apacible, tranquilo e cunha asistencia de turistas o máis grande posible.”
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
