Santiago de Compostela, 13 de xullo de 2020. O conselleiro de Sanidade, Jesús Vázquez Almuiña, trasladoulle está mañá aos alcaldes e alcaldesas da Mariña que, a Consellería de Sanidade vén de acordar a realización dun estudio epidemiolóxico completo aos colectivos profesionais máis expostos á covid-19 nos 14 concellos que conforman o distrito sanitario da Mariña.
Entre o conxunto de profesionais aos que se lle realizarán ás probas epidemiolóxicas atópanse o persoal sanitario dos centros de saúde, PAC e hospitais da comarca mariñán, os corpos de policía local; ademais doutros colectivos vulnerables, como son o Servizo de Atención no Fogar (SAF), os membros de Protección Civil, o persoal de socorrismo ou os traballadores municipais e membros da corporación local.
Na xuntanza que diariamente manteñen os responsables do departamento sanitario da Xunta cos rexedores mariñáns, Almuiña comunicou que desde Sanidade se realizará un exhaustivo cribado de profesionais e colectivos vulnerables para optimizar a detección precoz de posibles novos casos de persoas infectadas por coronavirus.
O responsable da carteira sanitaria galega, explicou que a folla de ruta marcada pola consellería que dirixe desenvolverase dun xeito progresivo durante as vindeiras datas e que, priorizarase a realización das probas, segundo a situación epidemiolóxica de cada concello.
Neste senso Burela, o municipio que conta co maior número de casos activos neste momento, será onde se inicie o cribado dos colectivos máis expostos á covid-19 para, de seguido, continuar co conxunto de concellos costeiros, nos que todavía existe algún tipo de restrición sanitaria para, finalmente, testar ao persoal do conxunto dos concellos do interior da comarca, que xa non contan con restricións de mobilidade.
Unha medida extensible aos colectivos máis expostos á covid-19
Así mesmo, os alcaldes e alcaldesas mariñáns terán a posibilidade de estender a realización das probas a outros colectivos dos seus concellos, como son o Servizo de Atención no Fogar (SAF), os membros de Protección Civil, o persoal de socorrismo, e mesmo, aos traballadores municipais e membros da corporación local.
Para solicitar a realización das probas destes colectivos, as corporacións locais deberán remitirlle unha listaxe á consellería de Sanidade na que se especifiquen os datos da totalidade das persoas ás que se lle van facelas probas.
Os rexedores valoran a nova medida como moi positiva
A decisión adoptada por Sanidade foi considerada de forma moi positiva polo conxunto de alcaldes e alcaldesas da Mariña, definindo como moi acertada a realización de probas epidemiolóxicas aos colectivos máis vulnerables.
Ao remate da reunión, Vázquez Almuiña, agradeceu de novo a colaboración do conxunto dos rexedores e incidiu na necesidade de non relaxarse malia que a situación semella estable. Así, convidou aos alcaldes a que continúen a informar á súa poboación da necesidade de cumprir a totalidade das medidas hixiénico-sanitarias establecidas desde o inicio da crise sanitaria.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
