Lugo, a 14 de xullo de 2020. Os responsables institucionais teñen que saber poñer o interese común por enriba dos de partido ou dos intereses electorais. É algo que non soubo, ou non quixo, facer o alcalde de Foz, o socialista Francisco Cajoto, que, a xuízo do PP, danou seriamente a imaxe deste municipio ao utilizar electoralmente o brote de covid-19 na Mariña.
O portavoz municipal do PP en Foz (portavoz provincial dos populares), Javier Castiñeira, sinala: “O grupo municipal do Partido Popular cre ridícula, moi lamentable e sobre todo moi daniña para a imaxe de Foz, a actuación do alcalde nas últimas semanas con respecto ao brote de covid-19 na Mariña.e especialmente no concello de Foz. Os intereses electorais do señor Cajoto levárono a cometer un erro de principiante, un erro que está prexudicando a moitísimos comerciantes e hostaleiros: na época na que debemos coidar moito a imaxe do noso pobo, o alcalde dedicouse precisamente a facer o contrario: a danala creando alarmismo sanitario, que o máis grave que se pode facer nunha poboación”. Castiñeira acusa a Cajoto “de xogar cos intereses de moita xente que tiña, e aínda ten, a esperanza de que o verán, a pesar de ser atípico, puidera solventar os momentos críticos que pasamos con esta crise sanitaria que desencadea unha crise económica.
Para o portavoz dos populares, “as declaracións do alcalde son totalmente inoportunas, debidas única e exclusivamente a fins políticos e electorais; tratou de defender os intereses do PSOE por riba dos de comerciantes e hostaleiros, diante dos que agora tenta facer un lavado de imaxe”.
Castiñeira sinala: “O alcalde non cumpriu co seu deber, que é defender os intereses do pobo; dende o PP instamos a Cajoto a pedir perdón pola situación que creou. Sabemos que comerciantes e hostaleiros están moi enfadados por isto; sabemos que lle pediron un cambio de actitude e unha campaña para que retorne toda a xente que confía no noso pobo para disfrutar das súas vacacións, para vivir e para investir”. Castiñeira, di que, en resumo, o PP denuncia “a mala xestión neste caso e a manipulación que o alcalde intentou facer por motivos electorais da crise da covid-19 neste concello”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
