A Mariña, 15 de xullo de 2020. O presidente da FCAM, José Carlos Paleo, fai un balance positivo da decisión adoptada hoxe polas autoridades sanitarias de abrir ao turismo 6 dos 7 concellos que levan 10 días confinados. Trátase de Viveiro, Xove, Cervo, Foz, Barreiros e Ribadeo. Paleo amosa a súa solidariedade con Burela: “mandámoslles o noso apoio aos compañeiros e compañeiras de Burela e a todos os veciños e veciñas cos que agardamos compartir unhas cañas en canto sexa posible. O que pasou nesa vila pode ocorrer en calquera lugar. Moito ánimo e vémonos pronto”.
Para José Carlos Paleo “esta é unha moi boa nova, pola que todos estábamos a agardar. Hai que darse conta que estamos a mediados de xullo e que é moi importante para a reactivación do turismo e da economía na nosa comarca”.
O presidente da FCAM lembra que “a vida seguiu e segue e temos que estar acostumados a convivir con esta crise sanitaria. Hai que protexerse, hai que respectar as normativas, pero hai que disfrutar de todo o que temos ao noso carón: das praias, da paisaxe, da gastronomía… De todo podemos gozar si o facemos de xeito cívico e ordenado. Temos o verán por diante para aproveitalo”.
Paleo engade que “na FCAM estamos a traballar para a posta en marcha de diversas iniciativas ao longo das vindeiras semanas, co obxectivo de que a xente acuda aos bares, aos restaurantes, ao comercio… igual que o faciamos antes, pero cumprindo coas medidas de seguridade vixentes”.
O presidente da FCAM fai un balance positivo da decisión adoptada polas autoridades sanitarias de abrir ao turismo 6 dos 7 concellos que levan 10 días confinados
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.