Lugo, 31 de xullo de 2020. A Secretaria Provincial de Lugo, Patricia Otero dixo hoxe que “todos temos traballar dende a unidade, da corresponsabilidade e remando todos xuntos na mesma dirección. E ao mesmo tempo temos que ser capaces de poñer en marcha un proxecto recoñecible para a maioría dos cidadáns”, así o dixo na súa comparecencia, para analizar o resultado electoral, diante do Comité Extraordinario Provincial celebrado hoxe en Lugo, ao asistiu o Secretario Xeral, Gonzalo Cabellero. “Temos que comezar unha nova etapa, propóñome corrixir os problemas que puideron xurdir para ter máis eficacia, e implementar a coordinación interna”.
Otero, diante dos militantes, alcaldes, deputados e concelleiros, remarcou na súa intervención que o PsdeG “ten que facer unha análise honesta e veraz do que pasou o pasado 12 de xullo. Queda patente que perdemos apoio polo tanto foron unhos malos resultados”, expuxo.
A secretaria provincial referiuse ademais a situación que se viviu na Mariña de Lugo con dous temas de actualidade, Alcoa e o rebrote do COVID, que marcaron a axenda política ao longo destas datas electorais. “Na Mariña o PP e o BNG foron capaces de instrumentalizar cun discurso irresponsable a confrontación coa crise de Alcoa., acompañada dos discursos tramposos do PP de Feijóo, e que todavía intentarán pescar en río revolto. E no que se refire a xestión do coronavirus, a Xunta tivo un discurso contraditorio, tal e como denunciaron os nosos Alcaldes e Alcaldesas. O PP esixe agora unanimidade, cando non era capaz de xestionar só esta crise”, insistiu.
Así as cousas Otero advertiu que “estes dous problemas deben converterse na primeira responsabilidade e nunha prioridade para todos os socialistas lucenses. Polo tanto, esta será a primeira iniciativa que presentarei no Parlamento de Galicia, un plan económico para a Mariña Lucense”. A secretaria provincial tamén dixo que dende o PsdeG “temos que reverter a situación e marcar a estratexia que nos faga manter a iniciativa política no Parlamento”.
Implicación dos Alcaldes e Alcaldesas
Patricia Otero agradeceu o traballo e a implicación dos Alcaldes e Alcaldesas. “Hai que reforzar o traballo conxunto das nosas alcaldías e dos nosos gobernos municipais, debemos de traballar para preservalos e incorporalos ao traballo político do dia a dia”.
Por útimo agradeceu as intervencións contructivas que xurdiron neste Comité. “Agora empezamos ese novo futuro, traballando xuntos, cun partido forte e unido” resumiu.
Gonzalo Caballero chamou á reflexión
Pola súa banda Gonzalo Caballero chamou á “reflexión” sobre os resultados electorais do pasado 12 de xullo, nun contexto dun nivel de abstención “histórico”, do 51%, e apelou á “unidade para traballar xuntos para fortalecer o partido e construír o futuro”.
“Das derrotas apréndese para chegar ás vitorias”, destacou, ao tempo que agradeceu “o apoio da militancia” e amosouse “con forza para traballar por unha vitoria socialista no ano 2024”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
