Burela, 4 de agosto de 2020. O próximo xoves, 6 de agosto, terá lugar un encontro de dinamización de proxectos entre as entidades de inclusión social e o sector pesqueiro, no marco do proxecto Tanza, promovido polo Concello de Burela e a Confraría de Pescadores.
Carmela López, concelleira de Servizos Sociais e Mar, subliña que “o obxectivo deste proxecto é promover o emprego a través de iniciativas de colaboración entre entidades de inclusión social e o sector pesqueiro, aproveitando as potencialidades do territorio e os recursos locais xerando un modelo de economía circular”. O programa está impulsado polos Grupos de Acción Local do Sector Pesqueiro e financiado polo Fondo Europeo Marítimo e de Pesca e arranca para xerar sinerxias entre os dous ámbitos. Está coordinado polo GALP da Mariña-Ortegal e participan tamén os GALP Golfo Ártabro Norte, Golfo Ártabro Sur, Costa da Morte, Costa Sostible e Ría de Arousa.
A edil burelesa explica que “este pasado mes de xullo Tanza fondea nos municipios costeiros dos GALP tendéndolles un fío aos diferentes axentes vinculados ao mar e ao sector da inclusión para crear unha rede de contactos que bote a andar novos proxectos entre eles. Entre setembro deste ano e abril de 2021 crearán un ecosistema para o emprendemento inclusivo, aproveitando as potencialidades do territorio e da actividade vinculada ao mar. Para iso desenvolveranse actividades que fagan xurdir e consolidar iniciativas de inclusión laboral de colectivos especialmente vulnerables. Finalmente, en maio de 2021, manterase o emprego inclusivo no sector pesqueiro avogando por un modelo de economía circular”.
No proxecto Tanza participan a área de Inclusión Social a través dos centros ocupacionais, centros especiais de emprego e tecido asociativo; o sector marítimo-pesqueiro coas confrarías, asociación, empresas e outras entidades do sector; e administracións e organismos públicos.
O xornada sobre Tanza terá lugar este xoves, 6 de agosto, ás 12:00 da mañá na Confraría de Pescadores de Burela.
Presentación do programa Relevo
O alcalde de Burela e vicepresidente do GALP, Alfredo Llano, e a concelleira de Mar e Servizos Sociais, Carmela López, asistían esta mañá a presentación do programa Relevo, que se celebrou no barco museo Reina del Carmen.
Este programa pretende formar a mozos e mozas para a súa capacitación no relevo xeracional no sector pesqueiro. Levarase a cabo nos territorios dos GALP participantes que son da Mariña-Ortegal, Golfo Ártabro Norte, Golfo Ártabro Sur, Seo de Fisterra-Ría de Muros-Noia Costa Sostible e Ría de Arousa.
Relevo vai dirixido a mozos e mozas, con idades comprendidas entre os 16 e os 30 anos, non sendo preciso que teñan experiencia previa no sector pesqueiro nin estar en posesión de ningunha titulación relacionada co mesmo. O programa formativo, que se levará a cabo entre setembro de 2020 e abril de 2021, terá unha duración de catro meses.
As persoas interesadas poden solicitar máis información na dirección de email info@relevo.org.
O Concello de Burela promove a inclusión laboral de colectivos vulnerables no sector pesqueiro a través do programa Tanza
Relacionado
-
Licitado por máis de 1,8 M€ o servizo de mantemento do equipamento da área sanitaria de Lugo, A Mariña e Monforte de Lemos
-
O PP de Vilalba defende que as verbenas dos días grandes das patronais se celebren no centro da vila
-
“Diñeiro público tirado”: O BNG de Ribadeo denuncia que as filtracións continúan no pavillón de Alfredo Deaño
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
