Ribadeo, 12 de agosto de 2020. O alcalde, Fernando Suárez, subliñou, tras a vídeo xuntanza semanal mantida este mediodía con responsables da Consellería de Sanidade, que o brote de Covid-19 na Mariña é xa moi reducido, hai 24 positivos dos que un corresponde a Ribadeo. Trátase dun caso importado, segundo o rexedor, e todo o seu círculo de contactos deu negativo. Suárez Barcia pide actuar moi ben nas relacións sociais.
O alcalde contou que “como cada mércores acabamos de ter a vídeo xuntanza semanal cos responsables da Consellería de Sanidade onde, en liñas xerais, indican que o brote da Mariña afortunadamente está moi reducido”.
Suárez Barcia explicou que “en total son uns 24 casos en toda A Mariña, no que un deles é de Ribadeo. Segundo as fontes oficiais trátase dun caso importado. Xa se realizaron, nestes últimos momentos, as probas ao círculo da persoa afectada resultando todos eles negativos, afortunadamente”.
Para o alcalde: “este feito indica dúas cousas que debemos ter moi en conta de aquí en diante, por se non as tíñamos: por unha banda, que isto vai ser normal de aquí en diante, á vista do que está a pasar en numerosos concellos, barrios e territorios, sexan autonomías, a nivel estado ou internacional, polo que mentres non haxa unha transmisión comunitaria descontrolada debemos estar tranquilos e seguir o noso día a día; e por outra banda, isto indica que temos todos e todas que actuar moi ben en canto á nosa relación familiar, social, etc…, e que debemos seguir sendo precavidos e tentar cumprir as diferentes normas e recomendacións sanitarias para controlar este virus”.
24 positivos por Covid na Mariña, un deles (importado) en Ribadeo, segundo indica Fernando Suárez
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.