Lugo, venres 14 de agosto de 2020. O Campus Terra da USC achega formación ao sector gandeiro coa oferta dun curso gratuíto e de carácter semipresencial sobre xestión técnica e económica de explotacións leiteiras. Esta actividade, promovida pola USC xunto coa Deputación Provincial de Lugo ao abeiro da posta en marcha da Granxa do Campus Terra, unha explotación de vacún de leite con fins docentes e investigadores que botará a andar en breve en Castro de Rei, estrutúrase en dúas sesións presencias, que se desenvolverán os días 21 e 31 de agosto na Escola Politécnica Superior de Enxeñaría do Campus de Lugo, ademais doutras 5 horas de formación en liña.
A inscrición no curso, que será impartido polo asesor agrogandeiro Xan Pouliquen e para o que se ofrecen 60 prazas, permanece aberta ata o mércores 19 no enderezo de correo electrónico pedrofiz.rocha@usc.es. A asignación de prazas será por orde de solicitude, ao tempo que tamén se valorará o feito de que as persoas solicitantes participaran na enquisa sobre o impacto da COVID-19 realizada o pasado mes de maio. As persoas interesadas tamén poden obter máis información a través do número de telefono 630 526 850.
A USC fai visible a través deste módulo formativo sobre xestión técnico económica de explotacións leiteiras o seu apoio a sector produtivo, ao tempo que pretende dar resposta a unha das demandas advertidas polos gandeiros e gandeiras que tomaron parte nunha enquisa promovida polo Campus Terra da USC e a rede europea Afinet para coñecer o impacto real da COVID-19 nas explotacións leiteiras de Galicia. Os resultados obtidos nesta consulta puxeron de manifesto por parte dos produtores a demanda de formación en xestión técnico-económica das explotacións leiteiras, a fin de mellorar o manexo das distintas variables que afectan ás gandarías nun momento de incerteza como o actual e, en consecuencia, optimizar os rendementos das mesmas.
A formación incluída no curso está dirixida principalmente a gandeiras e gandeiros de leite, aínda que tamén poden participar gandeiros doutros sectores. A primeira das súas sesións presenciais contempladas celebrarase o venres 21, en quenda de 15.00 a 17.30 horas, mentres que a segunda xornada programada na EPS de Enxeñaría de Lugo terá lugar o 31 de agosto, tamén en quenda de tarde, de 14.00 a 18.00 horas.
As instalacións universitarias nas que se desenvolvan as sesións presenciais deste curso contan cos medios necesarios para garantir as medidas sanitarias fronte á COVID-19. Aínda así, as persoas inscritas deben acudir ás sesións provistos de máscara e DNI. Asemade, no caso de producirse algunha excepcionalidade relacionada coa pandemia que dificultara a convocatoria presencial, esta acción formativa desenvolveríase en liña na súa totalidade.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
