BURELA (FNC) .- O Concello de Burela comezou as obras de mellora e reposición da cuberta e mantemento do edificio que alberga a Escola de Municipal de Música e a Casa da Xuventude. Unha actuación que suporá un investimento de 45.665,72€ financiados polo Fondo Estatal de Emprego e Sostibilidade Local. O vindeiro luns 10 de maio, si o tempo o permite, retirarase a actual cuberta de fibrocemento polo que se suspenden todas as actividades previstas para esa xornada.
Segundo explica o concelleiro de Obras, Pascual Doménech, “esta obra supón a resolución ás necesidades que presentaba esta cuberta, xa que o actual tellado data da súa construción para parvulario e constaba dun material que hoxe en día está totalmente obsoleto, co agravante de que actualmente presentaba humidades e goteiras que causaban estragos no interior da escola. Ao mesmo tempo, é unha obra necesaria para a conservación e bo funcionamento do edificio”.
O edil socialista sinala que “as obras a realizar consisten no levantamento da cuberta existente e retirada de escombros a un vertedoiro autorizado e a colocación dun novo panel galvanizado con núcleo de lana de roca, complementado coa reposición de todos os canelóns en pvc”. Doménech Gruñeiro subliña que “durante o tempo que dure a obra se tomarán as máximas medidas de seguridade posibles, e de feito, da retirada do actual fibrocemento farase cargo unha empresa especializada. Está previsto que esta actuación se leve a cabo o luns día 10 maio si as inclemencias meteorolóxicas o permiten, polo que se suspenderán durante ese día todas as actividades previstas. De haber cambios, informarase oportunamente a todos os usuarios da escola”.
O concelleiro de Obras considera que “como toda obra, vai causar un trastorno no funcionamento normal das actividades desenroladas polo Concello, polo que pedimos desculpas ao alterar a normal actividade, pero o seu resultado final mellorará a imaxe do edificio e tamén a seguridade dos seus usuarios”.
Actuación na rúa Torques
Pascual Doménech tamén anuncia que “nos próximos días, ao final da rúa Torques, porase unha valla que delimite o desmonte existente dende esa rúa ata o camiño dos Matos, xa que é unha zona moi frecuentada polos usuarios da Escola Infantil e existía perigo evidente de caídas tanto dos nenos que se podían acercar como dos coches que usan a rotonda para facer o xiro de cambio de sentido”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
