O 14 de marzo, día no que se declarou o estado de alarma, supuxo entre outros a suspensión de todos os prazos da maioría de trámites do Concello, entre eles a contratación de dúas prazas de administrativx por acumulación de tarefas na área de contratación.
Case tres meses despois de estar os servizos municipais teletraballando e cando o Estado levanta a suspensión de prazos, o Concello retoma a convocatoria desta contratación pola vía de urxencia acurtando os prazos de presentación dando tan só 5 días hábiles para presentar as solicitudes e así, poderíamos pensar que de boa fé, poder axilizar a tramitación e a contratación deste persoal, pero nada máis lonxe da realidade.
Actualmente o proceso continúa en suspenso sen avanzar no procedemento necesario para a selección do persoal. Segundo palabras da alcaldesa no pleno do 5 de agosto, xs funcionarixs desempeñan unha labor máis eficiente teletraballando e a carga de traballo viuse reducida, polo que están valorando se se cancela ou non o proceso de selección, a pesares de que sorprendentemente desde o Goberno Municipal vense fundamentando, de xeito reiterado, a sobrecarga de traballo e escasez de persoal nos servizos de contratación e retraso nos expedientes de licitación pola falta de persoal tècnico especializado para levantar os innumerábeis reparos de legalidade formulados pola Intervención Municipal aos expedentes de pago de facturas nos que se lles advirte da falta de procedemento de contratación e aplicación das regras contidas na Lei de contratos do Sector Público.
O desleixo deste goberno é tal que, a pesares de que a Alcaldesa de Viveiro saíu á présa e correndo na prensa nun intento de xustificar o inxustificábel e de negar o evidente, dous meses e medio despois da nova suspensión do proceso de selección, segue sen ter analizado e valorado se proceden ou non proceden as devanditas contratacións, mentres xs candidatxs a estas prazas continúan sen recibir información algunha ao respecto desta suspensión.
Todo este despropósito organizativo existente nos servizos municipais provocado pola irresponsabilidade do Goberno Socialista, como por exemplo se observa na área de contratación (unha das áreas básicas para o bo funcionamento dos concellos) onde só conta con 2 administrativxs adscritxs a tempo parcial, ou na Secretaría e na Intervención Municipal que exercen a tempo parcial e compartidas con outros concellos, evidencia a necesidade, en tanto non sexan convocadas as oposicións para cubrir as prazas libres existentes na RPT, de poñer en marcha procesos selectivos mediante concurso/oposición para a elaboración de listaxes de contratación de persoal funcionario interino de cara a facer substitucións de forma áxil ou executar programas temporais para poder así ofrecer uns servizos públicos de máxima calidade á nosa veciñanza e non ter que seguir abrindo procesos selectivos pouco garantistas e a destempo, tales como os últimos procesos das prazas de administrativxs e da praza de técnicx de turismo, cuxo período de contratación era do 15 de xuño até o 15 de setembro, pero que a día 26 de agosto seguen sen resolverse.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
