Mondoñedo, 6 de setembro de 2020. O goberno local presenta a segunda fase do plan Mondoñedo, Municipio para Investir para completar as actuacións desenvoltas no período 2015-2020 de cara á dinamización da economía do municipio e á mellora das condicións de vida dos veciños. “Esta seguirá sendo a nosa senda de traballo”, manifestan.
Coa finalidade de reverter as dinámicas de decrecemento e envellecemento demográfico, o plan de dinamización socioeconómica municipal establece obxectivos en torno a seis eixos estratéxicos: poboación; territorio e infraestruturas; patrimonio, cultura e turismo; economía; servizos e covid-19. Así, amparándose nas fortalezas e oportunidades do municipio e dos seus recursos, o goberno local mindoniense porá énfase no desenvolvemento de actividades económicas de iniciativa local vencelladas ás tendencias actuais e tamén daquelas que cubran unha necesidade da zona. O Concello de Mondoñedo ten intención de seguir posicionándose como sede de proxectos tractores do plan de dinamización da Xunta de Galicia.
Por outra banda, o goberno local demanda á entidade que xestiona o polígono de Mondoñedo e que depende do Goberno do Estado, Suelo Empresarial del Atlántico (SEA), o abaratamento do solo industrial para facer do polígono mindoniense un espazo competitivo para o asentamento de empresas.
Programas de dinamización da actividade económica en Mondoñedo
As actuacións previstas polo goberno municipal no eido económico continúan a liña da potenciación e a creación de valor engadido nos produtos de horta e gandería a través da promoción de servizos ou do emprendemento innovador nestes ámbitos. Así mesmo, este plan contempla o deseño dun programa para a posta en marcha de proxectos no sector forestal, medidas para seguir incentivando a comercialización a través da tecnoloxía e a dinamización das relacións institucionais cos departamentos que traballan na captación de inversións. Tamén con ese mesmo obxectivo, avanzan dende o goberno local un programa de “embaixadores de Mondoñedo” ou da comarca, un programa de misións con países con emigración mindoniense, a posta en marcha dunha plataforma de dinamización da inversión público-privada e o desenvolvemento dunha estratexia de comunicación cara a grandes corporacións galegas, nacionais ou internacionais que operen nos sectores estratéxicos para Mondoñedo.
O programa específico para a dinamización da actividade económica en Mondoñedo analiza a posibilidade de reformular o programa de incentivos cara a un formato de acompañamento; así coma a posibilidade de crear unha liña de apoio específica para explorar sinerxías cos principais núcleos de emprendemento de Galicia. Igualmente, promoverá as actividades relacionadas coas TIC, a biotecnoloxía, os servizos e a loxística. Tamén recolle a creación dun “programa de relevo xeracional” e outro para a mellora da conectividade loxística de Mondoñedo; o desenvolvemento dunha campaña de comunicación entre os principais Clusters empresariais de interese para o municipio e aposta en marcha dun plan de dinamización colaborativa con entidades de referencia locais e do entorno para a posta en marcha de iniciativas sinérxicas.
En materia de servizos, esta segunda fase do plan Mondoñedo, Municipio para Investir contempla a creación dunha oficina de dinamización socioeconómica que dirixa a execución do plan de actuación, estender as redes de conexión a Internet de alta capacidade, facer un estudo das grandes corporacións e dos grandes patrimonios de Galicia e propoñer o desenvolvemento de programas que encaixen coa súa filosofía de actuación e que contribúan a mellorar a oferta de servizos á cidadanía; así coma aumentar a oferta de servizos, dotacións e actividades en xeral para atraer á poboación activa.
Poboación, patrimonio, cultura e turismo
Esta segunda fase do plan recolle a posta en marcha do Programa Grandes Empresas de cara ao incentivo do teletraballo en Mondoñedo, así coma o desenvolvemento dun programa de ocio en Mondoñedo de cara á dinamización dunha oferta de ocio de fin de semana para todo o ano.
Igualmente, en materia de territorio e infraestruturas aposta pola dinamización do parque de vivenda e inmobles baleiros, en liña coas propostas feitas na convocatoria Rexurbe, a través dun programa de recuperación, rehabilitación e mellora do casco histórico. Segundo recolle o plan Mondoñedo, Municipio para Investir, o Concello traballará na promoción de novas modalidades de aluguer, na exploración de nichos de mercado para a vivenda baleira de Mondoñedo, no incentivo da recuperación de inmobles deteriorados; da mellora de habitabilidade, accesibilidade, eficiencia enerxética e confort das vivendas e do acondicionamento de baixos comerciais; así coma na xestión dun parque mínimo de vivendas para o apoio a persoas en situación de emerxencia. Así mesmo, promoverase a rehabilitación e posterior promoción turística de inmobles con valor histórico e patrimonial.
O Concello de Mondoñedo aposta por potenciar o liderado do patrimonio e da cultura como activos diferenciais sobre os que apoiar o desenvolvemento da actividade turística. Así, promoverá o establecemento de actividades económicas de carácter cultural ou relacionadas co turismo e coa naturez. Seguirá tamén potenciando o posicionamento de Mondoñedo como “fin de etapa” do Camiño de Santiago e desenvolvemento o plan de marketing/posicionamento en internet de Mondoñedo como destino turístico. Estas medidas completaranse con outras como a implantación de solucións de sinalización interpretativa de baixo custo e o establecemento de distintos contactos institucionais en materia de turismo.
Atendendo aos recursos naturais do municipio, este plan de dinamización recolle a súa potenciación co obxectivo de captar colectivos vencellados a un turismo activo – espeleoloxía, sendeirismo, BTT…-. Así mesmo, o Concello agarda poñer en marcha un programa de hibridación sinérxica entre actividades vencelladas ao tecido socioeconómico e natural de Mondoñedo.
Así mesmo, o plan que presenta o Concello de Mondoñedo avanza un programa de guías turísticos locais, a promoción do establecemento en locais e edificacións rehabilitadas de empresas relacionadas co turismo de natureza e con actividades culturais; así coma a promoción activa de actividades culturais con Universidades e outras institucións.
Medidas de continxencia da Covid-19
O plan de dinamización socioeconómica municipal recolle medidas de continxencia da Covid-19 coma a creación dunha “Comisión Municipal Especial de Seguimento do COVID-19” para recoller propostas de reactivación económica, estudar medidas e axudas e facer un seguimento da situación epidemiolóxica e das pautas marcadas polo Goberno central e a Xunta de Galicia.
Así mesmo, o Concello pretende poñer en marcha unha campaña de detección e monitoreo de COVID-19, desenvolver un plan de reforzo do sistema social para protexer á poboación máis vulnerable ante posibles rebrotes; así coma un servizo ou grupo de apoio psicolóxico ou organizar os labores de voluntariado.
Igualmente, a través deste plan, o Concello avanza un programa de apoio operativo de emerxencia ao comercio, ao sector primario e Horeca; ademais da revisión das contas e do calendario fiscal do Concello, coa posibilidade de flexibilizar prazos para o pago de tributos, ampliar o catálogo de bonificacións e axudas ante posibles rebrotes e novas situacións de confinamento. Tamén apoiará ao taxi como servizo público.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
