Santiago de Compostela, 11 de Setembro 2020. O BNG solicita a comparecencia inmediata do conselleiro de Educación no Parlamento para que explique a situación que se está a vivir no ensino secundario, nun inicio de curso marcado pola improvisación pese ao contexto da COVID19, máxime despois de que a Xunta se vise obrigada a tomar a medida excepcional de atrasar a volta aos institutos, ante o clamor crecente da comunidade docente advertindo que a falta de medios, protocolos claros e os continuos bandazos do Goberno facían imposible o regreso ás aulas na data prevista.
“Esta decisión é a constatación última da falta de planificación e do caos dun inicio de curso que o Goberno do PP de Feixóo tivo seis meses para organizar, seis meses de ouro que se perderon facendo propaganda e botando balóns fora e agora son as familias e o persoal educativo quen están a pagar as consecuencias”, denuncia o portavoz parlamentario de Educación, Manuel Lourenzo.
“Feixóo estaba espido e o traxe que nos quixo vender non era máis que unha nova mentira e unha nova irresponsabilidade”, declarou, “e a día de hoxe os centros de secundaria ignoran con canto persoal van contar”. A modo de exemplo dos continuos bandazos, Lourenzo salientou que en apenas dúas semanas, o Goberno do PP cambiou tres veces de criterio nunha cuestión como a distancia de seguridade que debe gardar o alumnado.
“O 30 de agosto decretaba un metro de distancia, o 31 de agosto xa pasaba a metro e media de distancia e o dez de setembro de novo abre a porta a que a distancia se reduza a un metro. Se alguén cree que esta é unha xestión minimamente seria, desde o BNG non o entendemos”, alegou, “nin as familias ni a comunidade educativa deben aturar máis caos, máis bandazos e máis improvisación”.
Neste sentido, Lourenzo advirte que a medida da semi-presencialidade, “que acaban de sacar da chistera”, debe explicarse: como se vai xestionar, con que horarios, profesorado e medios. A formación nacionalista insta ao Goberno a traballar “con seriedade e con rigor e coa responsabilidade que implica a saúde e a educación dos nosos fillos e fillas”, ao tempo que reclama da Xunta que escoite á comunidade educativa, “porque leva meses dándolle as costas pese a estar en primeira liña e estas son as consecuencias”.
O Bloque volve ofrecer man tendida tanto á comunidade educativa como ás familias para aportar todo o que sexa necesario para conseguir un curso escolar coas máximas garantías. Preguntado polo relevo na Consellería de Educación, Lourenzo destacou que non se trata dun cambio de caras, nin de actitudes, “non estamos falando de emoticóns”, o que se require é un cambio de políticas. “Feixóo mentiu na sesión de investidura cando dixo que todo se estaba facendo ben e días despois vemos como cesa a titular de Educación e aos seus cargos”, concluíu.
O BNG pide a comparecencia urxente do titular de Educación ante a situación excepcional de retraso do curso en secundaria
Relacionado
-
O luns ábrese o prazo para adquirir 41 parcelas no Polígono Industrial da Rega de Ortigueira con maiores facilidades de pago
-
O BNG de Viveiro denuncia o sectarismo do goberno local na presentación das obras da Xunqueira e do río Fontecova
-
A Presidenta logra que a Xunta se abra a reformular as obrigas dos Concellos e das Deputacións que recolle o ALALG
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
