Burela, 16 de setembro de 2020. O alcalde burelés, Alfredo Llano, mantivo hoxe un encontro co presidente da Deputación de Lugo, José Tomé, ao que lle solicitou axuda para acometer diversas obras na vila. Entre os asuntos abordados figuran a construción dunha rotonda na Puída para mellorar a seguridade na subida ao Monte Castelo; a instalación de marquesiñas nesa mesma estrada entre Burela e o cemiterio; ou unha partida económica para acometer o arranxo do perímetro do campo de fútbol.
O rexedor explicou que “soliciteille ao presidente da Deputación axuda para executar unha serie de obras aquí en Burela. Unha delas será a que faremos no campo de fútbol onde queremos facer un novo peche, que substitúa ao actual porque está completamente oxidado. Nós non tiñamos presuposto para poder afrontar esta obra na súa totalidade. Desde o Concello afrontarémola parcialmente e pedinlle que o resto corra a cargo da Deputación. Penso que non haberá problema e así poderemos acometer a obra no seu conxunto e completa”.
Alfredo Llano avoga pola construción dunha rotonda na Puída, onde está o cemiterio para a subida ao Monte Castelo: “alí na propia estrada da Deputación, onde está o acceso ao Monte Castelo, sería conveniente contar cunha rotonda, xa que favorecería moito a condución e a seguridade. Esa rotonda xa ven sendo solicitada por moitos veciños e veciñas de Burela. Ademais derivado da actividade que haberá a partires de agora nas minas de caolín tamén sería positivo, debido ao incremento do tráfico que se vai producir nesa zona”.
O alcalde tamén lle pediu ao presidente da Deputación José Tomé “a sinalización do Monte Castelo como área recreativa. Habería que colocar un cartel vistoso e interesante que dea lugar xa a pensar que alí hai algo bonito para visitar. Poñeremos vista espectacular ou área recreativa de xeito que destaque e que supoña unha motivación para subir ata o Monte Castelo”.
Llano seguiu a relatar que “tamén solicitamos a instalación dunhas marquesiñas que se van colocar na estrada da Deputación, entre Burela e o cemiterio, para que a xente que vai camiñando si nalgún momento ten que abrigarse porque chove ou precisa descansar que conte cunha marquesiña. Son moi bonitas e non creo que se tarde moito en colocar. Tamén para mellorar a seguridade nesa estrada pedín foi a instalación duns quitamedos nunha zona duns 50 metros onde se procedeu á corta de árbores e todo aquilo quedou moi despexado. É preciso mellorar a seguridade para evitar que si se produce un accidente puidera caer algún coche á N-642”.
Llano e Tomé tamén abordaron a preocupación polo inicio do curso escolar: “falamos da posible xestión de materiais para os colexios e institutos de Burela”.
Para o alcalde de Burela a xuntanza co presidente da Deputación “foi unha conversa interesante, agardo que dea os seus froitos e que en pouco tempo se note”.
Alfredo Llano mantivo un encontro co presidente da Deputación, José Tomé, ao que lle solicitou axuda para acometer diversas obras na vila
Relacionado
-
A presidenta da Deputación leva o seu modelo de escoita dos concellos ao foro Territorios que lideran: o futuro comeza no local
-
Barreiros insta á Xunta a rectificar a exclusión dos campamentos municipais do Bono Concilia Familias 2026
-
O Grupo Socialista reclama ao Goberno de Viveiro a limpeza preventiva de sumidoiros, avances nas xestións con Portos de Galicia e unha actuación integral nos viais de Pallaregas–Vieiro
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
