Viveiro, 19 de setembro, 2020. Xa no pleno de xullo de 2019 o BNG, na quenda de rogos e preguntas, se interesaba polo Plan Municipal de prevención e defensa contra os incendios forestais do concello de Viveiro, mais a resposta do Goberno Municipal non foi suficiente para coñecer o estado de tramitación de dito plan. Por este motivo o pasado 25 de agosto, solicitamos de novo coñecer a documentación relacionada co PMPDCI (Plan Municipal de prevención e defensa contra os incendios forestais), ese documento tan urxente e necesario no que se delimitarán as franxas de seguridade das vivendas e estradas do concello fronte as plantacións irracionais de eucalipto e a non limpeza do monte ou parcelas que deriva da lei 3/2007 de Prevención e Defensa contra Incendios Forestais de Galiza, e que foi “ninguneada” durante trece anos.
Todo apunta a que no vindeiro pleno se poderá aprobar inicialmente, para continuar nunha fase posterior de información pública por prazo mínimo de 30 días e posterior resolución, no seu caso, das reclamacións presentadas e aprobación definitiva polo Pleno.
Mais dada a transcendencia de dito documento, dende o BNG instaremos ao Goberno de María Loureiro a:
.Organizar e desenvolver unha Campaña Informativa seria que abarque a todas e cada unha das parroquias do termo municipal viveirense para dar a coñecer a toda a veciñanza e principalmente xs propietarixs e/ou mancomunidades de montes afectadas, o Plan aprobado e as normas que recolle de obrigado cumprimento.
.Por outra banda é imprensindíbel poñer a disposición da veciñanza de Viveiro, nun lugar visíbel da web oficial do Concello, un visor de delimitación da rede secundaria de faixas de xestión da biomasa forestal do concello de Viveiro para poder consultar cales son os terreos e ou parcelas incluídas na rede de faixas e a listaxe completa de especies nas cales, con carácter xeral, non poderà haber eucaliptos, pinos, acacias, toxos, silvas, felgos, etc..
.E por último, instamos ao Goberno Municipal a estudar vías de colaboración coa veciñanza que solicite axuda para a limpeza e retirada das especies prohibidas nas faixas de seguridade delimitadas no Plan Municipal.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
