Mondoñedo, 29 de setembro, 2020. No Salón de Plenos da Casa Consistorial de Mondoñedo este martes tivo lugar a presentación da xornada de promoción do Camiño Camiño Norte a Santiago que terá lugar o día 17 de outubro de 2020 a partir das 11:30h da mañá, dentro do proxecto “Coñece os Camiños” organizado pola Orde do Camiño de Santiago en colaboración co Xacobeo.
Ao acto asistiron:
Sr. D. Alejandro Rubín, Vicepresidente Executivo da Orde do Camiño de Santiago
Sr. D. Jesús Ares, Conselleiro da Orde do Camiño de Santiago
Sr. D. Manuel Ángel Otero, Presidente – Alcalde do Excmo. Concello de Mondoñedo
Sra. Dna. María Patricia Otero – Concelleira de Camiño Norte,
Asociacións e Participación Cidadá do Excmo. Concello de Mondoñedo
Abriu o acto o Sr. Alcalde que resaltou a gran importancia do Camiño de Santiago para Galicia e para Mondoñedo así como o gran traballo que está a realizar a Xunta e o Xacobeo na promoción dos Camiños e do Camiño Norte en especial.
Tamén agradeceu o traballo da Orde do Camiño de Santiago e o seu interese pola realización do evento en Mondoñedo que abrirá o programa “Coñece os Camiños”.
Alejandro Rubín, Vicepresidente Executivo da Orde do Camiño de Santiago, resaltou a importancia do Camiño e deste tipo de activades destinadas á promoción do mesmo, tanto para a xente de fora como á xente de Mondoñedo e da comarca, para poder coñecer de primeira man a riqueza que supón este gran recurso.
Pola súa parte D. Jesús Ares, espuxo o programa de actividades do evento.
Para rematar o acto impuxéronse Panos da Orde do Camiño de Santiago ao Sr. Alcalde Presidente do Concello de Mondoñedo e á Sra. Concelleira de Camiño Norte, Asociacións e Participación Cidadá do Excmo. Concello de Mondoñedo.
Programa de actos de 17 de outubro de 2020: Lugar de celebración: Centro de Interpretación do Camiño Norte.
11:30h Chegada ao Centro, recepción por parte de autoridades do Concello de Mondoñedo e presentación do evento.
11:45h Conferencia: “Mondoñedo e o Camiño Norte: Pasado y Presente”
Juan Ramón Fernández Pacios. Licenciado en Xeografía e Historia
12:10h Conferencia :“O Camiño de Santiago, Camiño Cultural Europeo”- Francisco Jesús Ares Vázquez. Presidente da Asociación de Turoperadores de Galicia
12:35h Conferencia: “Datos do Camiño de Santiago en 2018 e 2019. Caso particular do Camiño do Norte”. Pablo Rivera Bua. Secretario Xeral da Rede Ibérica de Entidades Tranfronterizas RIET Europa
13:00h Actuación Musical de Lucía Pérez (cantante galega participante en Eurovisión)
14:00h Almorzo – Degustación de produtos típicos da comarca
15:30h Saída dende o restaurante para visita guiada a Mondoñedo.
15:45h Visita guiada a Mondoñedo. Itinerario: Paseo polo Casco Histórico de Mondoñedo partindo dende a Praza da Catedral comezando cunha breve introdución histórico e logo pasar a explicar o conxunto da praza: Catedral –exterior-, Pazo Episcopal –exterior-, consistorio vello e outros elementos menores.
Continuación do paseo por Fonte Vella, Seminario Santa Catalina, Museo da Imprenta, Muralla Medieval, Igrexa Parroquial de Santiago, Casa Consistorial e Convento da Concepción. Todas as visitas serían exteriores agás o Museo da Imprenta e os baixos da Casa do Consistorial.
17:30h Remate da actividade.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
