LUGO .-Responsables da Deputación do museo provincial e representantes do sector hostaleiro asistiron a demostración que a barista burelesa Sofía Prieto fixo sobre a elaboración e cata de café no museo de Lugo
Nota de Prensa
O MUSEO DE LUGO ACOLLEU UNHA DEMOSTRACIÓN DA ELABORACIÓN E CATA DO CAFÉ A CARGO DE PROFESIONAIS BARISTAS LUCENSES
A Área de Cultura programou esta charla-demostración a cargo dos dous recoñecidos baristas lucenses, José Manuel Portela e Sofía Prieto Lestao
Estes dous lucenses veñen de acadar un segundo e primeiro premio na elaboración e cata de café, respectivamente, no Campionato de España de Baristas celebrado en Zaragoza
LUGO, 13 de maio de 2010. O vicepresidente da Deputación de Lugo, o nacionalista Antón Bao, así como o delegado de Cultura e Deportes, Antonio Veiga, e a directora do Museo de Lugo, Aurelia Balseiro, así como Cheché Real en representación dos hosteleiros lucenses, participaron esta mañá na charla-demostración que a Área de Cultura da Deputación, en colaboración coa Asociación de Hostaleiros de Lugo, organizou no Museo de Lugo sobre as técnicas de elaboración e cata do café. A xornada centrada no café estivo guiada por José Manuel Portela, barista da Fonsagrada que vén de gañar o segundo premio na elaboración de café no Campionato de España, e por Sofía Prieto Lestao, de Burela, campioa de España de Cata de café.
Antón Bao felicitou a estes dous rapaces lucenses polos seus triunfos acadados no campionato estatal das diferentes categorías de elaboración e cata de café, agasallounos cun recordo da Área de Cultura da Deputación e desexoulles os maiores dos éxitos na súa carreira profesional de aquí a ao futuro, que se augura prometedor tal como demostraron. Antón Bao tamén quixo lembrar que “ademais de poder afirmar que, como demostran hoxe estes dous rapaces lucenses, en Lugo e Galiza temos unha potencialidade inmensa no noso capital humano, tamén temos outros valores engadidos como a calidade dos nosos produtos e materias primas, coma o leite, que conxugados co mellor grao de café constitúen delicias gastronómicas merecentes dos mellores premios aquí e no Estado”.
Nesta charla-demostración organizada pola Área de Cultura da Deputación, os dous expertos baristas lucenses transmitiron ao público asistente os seus consellos e coñecementos á hora de elaborar un bo café, así como os aspectos a ter en conta á hora de comprobar e degustar todas as características que definen e se valoran dun café, como o seu aroma, sabor, presentación, etc.
Ademais, facendo unha retranqueira alusión digna do mesmo Castelao, e aproveitando que o Museo de Lugo acolle a exposición sobre o máis insigne persoeiro da cultura galega, Sofía Prieto foi capaz de debuxar a xa mítica caricatura do rostro de Castelao sobre a escuma dun café, así como se prestou a debuxar os aros o logotipo identificativo da Área de Cultura da Deputación. Pola súa banda, José Manuel Portela, creou sobre os seus cócteles de café a silueta da muralla de Lugo, así como un peregrino e a catedral de Compostela lembrando o ano santo. Tanto o vicepresidente da Deputación como o delegado de Cultura e Deportes da Deputación, Antón Bao e Antonio Veiga, animáronse a probar os deliciosos cafés que realizaron estes dous profesionais lucenses.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
