Burela, 17 de outubro, 2020. As campioas deron esta tarde o primeiro paso firme nun novo camiño cara á gloria, apropiándose dos tres puntos da xornada inaugural de Primeira na pista do AD Alcorcón FSF (2-3), revivindo o resultado que xa lles deu o galardón ligueiro ás galegas hai tres meses en Málaga fronte ás alfareiras. Despois do empate da primeira parte e fronte a un rival moi rápido nas transicións, o Pescados Rubén Burela reaccionou á vantaxe local dando a volta ao marcador en tan só un minuto, no 24, con dobre diana. Non puideron pechar o partido as laranxas a pesar das ocasións, pero souberon como aferrarse ao resultado cunha gran solvencia defensiva fronte á porteira xogadora.
Cristina, que recibía o bonito xesto de homenaxe por parte das alfareiras na cartelería do partido polo seu labor como enfermeira durante a pandemia, non quixo deixar nin tempo para coller sensacións sobre a pista. Antes de cumprirse o primeiro minuto a murciana adiantou ás galegas. Nere Moldes e Vane Sotelo aliáronse con 6 minutos para o descanso; conseguiron a igualada ante a porteira burelista adiantada. Discorría o minuto 15, cos dous equipos cargados de faltas e ocasións en ambas as filas. Tras a boa resposta de Cristina, que evitou o segundo das madrileñas ante Pepa, Peque dispuxo de ata tres oportunidades con moito perigo sobre a rede alfareira. Sandra, no 18, mantivo o empate, con dobre penalti de Vane Sotelo, e volveu aparecer pouco despois para frear a recuperación en pista laranxa. Dany foi a máis incisiva na recta final do primeiro acto, aínda que sen éxito.
O Alcorcón foi máis áxil neste inicio, con Vane Sotelo á contra. Responderon as de Burela con garra. Estela sacou o pé cun pase de Peque ao que esperaba M. Cortés. Con todo, si aproveitou pouco despois a 7 burelista, cazando o rexeite sobre tentativa de Ale de Paz (minuto 24) e non se fixo case esperar a escuadra mariñá para tomar por fin a iniciativa, en estratexia, coa sempre máxica Cilene (minuto 25).
Mantivo entón Estela ás locais no partido ante un Pescados Rubén que gañou en comodidade e fixo tremer a rede alfareira con Dany como unha dá as máis perigosas de novo. Irene Samper evitou o cuarto nas zapatillas de Cilene sobre o ecuador do segundo tempo. As Guerreiras ofreceron un recital de perigo e estiveron moi atentas en repregamento ás contras das madrileñas. Jozi evitou a ocasión máis clara para o empate no 35, impoñéndose ante Clau. Tras outra chegada de Jenny envelenadísima, Alcorcón apostou por xogo de cinco de Aída con tres minutos por diante fronte á gran solidez mariñá.
Ficha técnica
AD Alcorcón FSF: Estela, Vane Sotelo, Irene Samper, Aída, Estela Cantero, cinco inicial; tamén xogaron Clau, Nere Moldes, Laura Oliva, Paula, Pepa, Ballesteros
Pescados Rubén Burela FS: Sandra Buzón, Cristina, Peque, Cami, M. Cortés, cinco inicial; tamén xogaron Cilene, Jenny, Bea Mateos, Dany, Ale de Paz, Cilene, Lara Balseiro, Elena Aragón, Jozi
Goles: 0-1, minuto 1, Cristina; 1-1, minuto 14, Nere Moldes; 2-1, minuto 21, Vane Sotelo; 2-2, minuto 24, Peque; 2-3, minuto 25, Cilene
Árbitros: Cabezas Casquero // Sánchez Martín. Por Alcorcón amarela a Piru (minuto 29) Por Burela amarela a Jenny (minuto 33).
Incidencias: Partido correspondente á xornada 1 de Primeira División disputado en Los Cantos. As Guerreiras quixeron estrear a liga de rosa, coa súa terceira indumentaria, no Mes da Sensibilización sobre o Cancro de Mama
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
