O Valadouro, 20 de outubro de 2020. O deputado do Deportes Efrén Castro reuniuse esta mañá no Valadouro coa directiva da Asociación Deportiva Río Ouro, que lle expuxeron a necesidade de dotar dunha grada o campo de fútbol sintético do Árbol.
Segundo explicaron, trataríase de construír unha grada con capacidade para un cento de persoas, para uso do público que se achega ao campo para seguir os adestramentos e os encontros dos equipos de base da entidade. Ademais, pediron a instalación de protectores no sistema de rego que sobresae na contorna do céspede.
Efrén Castro comprometeu a financiación da área de Deportes “para facer a obra que demandan desde a Asociación Deportiva Río Ouro e contribuír a que as instalacións ofrezan as mellores condicións posibles tanto para os nenos e nenas que empregan o campo como para as familias e afeccionados que os acompañan”. “Unhas infraestruturas seguras e que respondan as necesidades dos usuarios e usuarias facilitan a práctica do deporte, sobre todo nas categorías de base”, valorou o deputado durante o encontro, ao que tamén asistiron os concelleiros nacionalistas Eduardo Chao e Eliseo Teijeiro.
A Asociación Deportiva Río Ouro xurdiu tras a desaparicién da Sociedade Deportiva Valadouro, para dar continuidade ao deporte de base no concello. Conta con preto de 60 nenos e nenas, desde biberón ata cadete.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
