Santiago de Compostela, 21 de Outubro 2020.- O BNG logrou o apoio do Parlamento para demandar a intervención pública de ALCOA como única vía de garantir a produción, os postos de traballo e, en definitiva, preservar o futuro industrial da Mariña a través da continuidade dunha planta que é estratéxica para a comarca e para o país.
O deputado mariñán, Daniel Castro, foi o encargado de defender a proposición non de lei nacionalista a favor da intervención da factoría “para evitar que máis de mil traballadores e traballadoras vaian ao paro e se asine acta de defunción da nosa comarca, isto é o que está en xogo”, proclamou, recalcando que “de nada valen as palabras bonitas coa multinacional cando o que se precisa é unha solución que é política”.
Castro reprochoulle a PP e PSOE as súas vacilacións cando se está xogando co futuro da industria galega, e preguntouse porqué non ía ser posible en Galiza unha intervención para salvar a continuidade de ALCOA similar á que fixeron os gobernos de Alemaña, Portugal e Italia para salvar miles de empregos nos seus países. “Déixense de tantos vaivéns e pasen á acción política, basta xa de tanta aldraxe e poñan fin ao sufrimento de toda unha comarca cunha intervención que salve a produción e os postos de traballo”, demandou Castro.
O deputado nacionalista considera que os galegos e ás galegas “merecen” que a institución que os representa “dea un mandato claro de intervención pública”, e que esta se leve a cabo con urxencia porque a comarca da Mariña “non aguanta máis, porque non estamos en tempo engadido, nin na prórroga senón no último penalti e hai que actuar xa. A intervención é posible e viable, só precisa vontade política”, recalcou.
O Bloque tamén logrou o consenso da Cámara para reclamarlle ao Estado que se aprobe o estatuto para a industria electrointensiva que permita ás empresas contar cun prezo da enerxía “estable, predicible e asumible”, ademais de contemplar un abaratamento actuando no transporte da electricidade cunha bonificación do 100%. Por contra, a formación nacionalista topouse co veto de PP e de PSOE a súa reclamación dunha tarifa eléctrica galega incluída na proposición non de lei.
“ALCOA leva demasiado tempo mandando máis que os gobernos, fíxose cunha empresa pública a cambio dunha miseria, aproveitouse da man de obra de Galiza, aproveitouse dos recursos naturais do noso país e que de gobernos febles que antepuxeron o beneficio desta multinacional ao beneficio e á prosperidade do noso país. É o momento de cambiar esta situación para non fallarlle A Mariña”, concluíu Daniel Castro.
O BNG logra o acordo do Parlamento a favor da intervención de ALCOA como única vía de darlle futuro industrial A Mariña
Relacionado
-
A Xunta anuncia en Muras a ampliación da variación máxima de potencia para acelerar a modernización eólica en Galicia
-
O PSdeG-PSOE de Lugo aproba as listas con Patricia Otero como número un ao Congreso e César Mogo ao Senado
-
Viveiro acolle esta fin de semana a primeira Milla Internacional do Cantábrico con máis de 500 participantes
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
