Burela, 23 de outubro de 2020. O Concello de Burela aprobou por unanimidade, no pleno extraordinario celebrado esta semana, o V Plan de Igualdade para o período 2020-2024. Na sesión tamén se aprobou a conta xeral de 2019, que contempla un remanente de 3´5 millóns de euros e un patrimonio municipal estimado en 45 millóns.
O alcalde burelés, Alfredo Llano, contou que “o martes tivemos un pleno extraordinario, basicamente para aprobar dous puntos fundamentais. Un deles é a conta xeral do ano 2019, un punto que é de obrigado cumprimento e hai que facelo nun tempo suficiente e amparado pola normativa. Nosoutros cumprimos todo iso. Hai que ter en conta que a conta xeral é un documento onde figuran o balance da situación de todo o que se fixo no 2019 con respecto á economía, á conta de resultados e ao patrimonio, que por certo aumentou considerablemente con respecto a outros anos, estamos xa en 45 millóns aproximadamente. Teño que dicir que o remanente o temos está próximo aos 3´5 millóns de euros, que é unha cifra considerable e aí se ve que no Concello de Burela tratamos de facer ben as contas. Tamén figura unha memoria”.
O rexedor subliñou que “esta conta xeral é un documento técnico, quen o fai é o departamento de Intervención. Este documento técnico pasa antes pola comisión especial de contas do Concello onde decidimos, antes de mandalo ao Consello de Contas, telo en exposición pública e estivo durante quince días sen que houbera ningún tipo de alegación. Polo tanto había que procurar no pleno seguinte aprobalo e fíxose así, porque hai que ter en conta que é un documento técnico onde se explica todo canto se fixo con respecto a ingresos, a gastos, onde se empregaron, como se fixo e todo o que consiste en facer un balance final da conta con respecto ao ano anterior. Este ano fixemos o de 2019, fíxose con moito tempo porque, derivado da pandemia, había ata o 22 de xaneiro para facer esta presentación, pero nosoutros cumprimos rapidamente”.
Alfredo Llano engadiu que “hai outro tema que tamén foi importante, que é a aprobación do V Plan de Acción para a Igualdade de Mulleres e Homes no Concello de
Burela que vai de 2020 a 2024. Este plan creo que está moi ben elaborado, ten unha serie de obxectivos claros e unha maneira tamén clara de executalos. Penso que se implica a todo o mundo, tanto de asociacións como do Concello e de todo aquilo que poida levar adiante uns obxectivos claros en materia de igualdade”.
O alcalde relatou que “este plan, que foi aprobado por unanimidade, ten seis liñas estratéxicas, por exemplo a ordenanza en favor da igualdade, o cambio de valores e modelos para a igualdade, a empregabilidade e conciliación corresponsable, o benestar e calidade da vida e tamén a participación social e cidadá activa. Hai ademais un apartado de acción integral contra a violencia de xénero, onde implicamos a colexios, a colectivos e a todo o mundo. É un plan para realizar en catro anos, vai ser moi efectivo e penso que marcando un pouso para ter unha referencia clara para acadar a igualdade, aínda que isto xa sabemos todos que é algo que se debe exercer día a día”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
