Madrid, 31 de outubro de 2020.- O portavoz do Bloque Nacionalista Galego no Congreso, Néstor Rego, rexistrou unha Proposición Non de Lei e varias preguntas escritas instando o Goberno español a que adopte de inmediato un calendario de actuacións para a intervención pública de Alcoa San Cibrao. “Desta forma darase cumprimento ao acordo adoptado na Comisión de Industria do Congreso dos Deputados, para o que deben iniciarse os trámites para a intervención da empresa” sinalou o deputado.
O xuízo que decidirá se se aplican medidas cautelares á compañía deu comezo no Tribunal Superior de Xustiza da Galiza. Néstor Rego destacou que se este órgano xudicial resolve favorablemente sobre as medidas cautelares “frearase a execución dos despedimentos até que se resolva se o expediente de despedimento colectivo é nulo e as 524 persoas traballadoras ameazadas de forma directa coa perda do seu posto de traballo lograrían un pouco máis de tempo. Con todo, non evitará o inminente peche da fábrica e con ela, a desaparición de miles de postos de traballo e o desastre económico para toda a comarca da Mariña” apuntou Rego.
O deputado nacionalista destacou que “a solución ao peche de Alcoa non virá da man de decisións xudiciais, polo que resulta preocupante que, quer a Xunta quer o Ministerio, se inhiban de actuar e limítense a esperar a decisión dos Tribunais en lugar de tomar a iniciativa e dar unha saída política á situación, a única saída posible ao conflito neste momento”.
Hai tan só dúas semanas aprobábase no Congreso dos Deputados unha iniciativa instando o Goberno español a iniciar, no caso de fracasar as negociacións para a venda de Alcoa, a intervención pública para salvar os postos de traballo e evitar a parada das cubas. Néstor Rego lembra que esta iniciativa, presentada polo BNG, “foi apoiada polo voto favorable dos dous partidos do Goberno do Estado, PSOE e Unidas Podemos, así como polo propio Partido Popular, que ostenta a presidencia da Xunta de Galiza”.
Así, o BNG insta a ambos os gobernos para materializar ese compromiso e tomar as medidas necesarias para iso de inmediato, “o momento desa actuación chegou, a única posibilidade para salvar este sector estratéxico da economía da Galiza e do Estado e miles de postos de traballo é a intervención pública”.
“Agora resulta evidente para todas as partes implicadas que Alcoa nunca tivo a intención de vender e que durante o proceso de negociación incorreu en moitas irregularidades -explicou o deputado e advirte que-, se as cubas páiranse, a situación será irreversible e eliminaríase calquera opción de continuar coa produción de aluminio”. A formación nacionalista xa advertiu desde un principio que a paralización das cubas significaría un dano irreversíbel das capacidades produtivas e lastraría unha solución de futuro. “Coa decisión de pechar e parar a produción, Alcoa tenta impedir a continuidade da actividade sen importarlle o desastre industrial e laboral, tanto para A Mariña como para o conxunto de Galiza, tanto na de forma directa como nas empresas auxiliares que dela dependen” subliñou.
Para o BNG, a solución que desbloquee este problema só pode vir da man dunha actuación política decidida dos Gobernos implicados, o da Xunta da Galiza e o do Estado. Néstor Rego destacou que “é imprescindible que se fixe de forma inmediata unha data para a reunión da Mesa Multilateral e que se concrete un calendario para a intervención efectiva de Alcoa”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
