Lugo, 18 de novembro de 2020. A Consellería do Mar aprobou axudas que suman 131.000 euros para as confrarías de pescadores de Celeiro, Burela e O Vicedo dentro da liña de financiamento para modernizar portos pesqueiros, lonxas e lugares de desembarque de produtos do mar.
O delegado territorial da Xunta en Lugo, Javier Arias, explicou que os proxectos seleccionados no marco da orde que vén de resolverse desenvolveranse no marco da convocatoria de achegas do ano 2020, financiadas polo Fondo Europeo Marítimo e de Pesca (FEMP).
En canto ás accións que se levarán a cabo na provincia de Lugo, destaca a concesión de 70.745 euros para modernizar a fábrica de xeo da confraría de pescadores de Burela mediante a instalación de dous xeradores de xeo en escama con capacidade para producir cinco toneladas ao día por unidade.
Pola súa banda, a confraría de Celeiro destina 42.530 euros a adquirir un guindastre para facilitar as descargas dos produtos de pesca; e recibe outros 15.700 euros co fin de comprar maquinaria de hidrolimpeza. Por último, a confraría do Vicedo obtén unha axuda de 2.135 euros para dotarse dunha hidrolavadora para facilitar as tarefas de limpeza da zona de desembarque.
Arias destacou que as actuacións financiadas na provincia de Lugo con cargo a estas achegas serven para mellorar a seguridade e as condicións de traballo dos pescadores e contribúen a aumentar a competitividade do sector. Ao mesmo tempo favorecen o desenvolvemento e a sustentabilidade da pesca costeira artesanal que realiza a súa actividade nas lonxas e portos de Galicia.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
