Burela, 19 de novembro de 2020. As concelleiras de Servizos Sociais e de Muller, Igualdade e Inmigración, Carmela López e Noelia María Ben, visitaron nas últimas horas a Unidade de Axuda ao Drogodependente, que atende a medio milleiro de persoas ao ano e salientaron o traballo realizado por este centro comarcal.
A UAD é un servizo sanitario comarcal e público de atención especializada ás condutas aditivas e o seu ámbito territorial son os catorce concellos da Mariña. Atende unha media de 400 a 500 pacientes ao ano, que acoden para realizar un tratamento de desintoxicación e deshabituación do consumo de tóxicos legais, como o alcohol ou o tabaco, e ilegais como o cannabis, a cocaína ou as drogas de síntese. Tamén aborda a resolución dun trastorno aditivo sen sustancias como a ludopatía.
O tratamento realízase na modalidade ambulatoria e abarca consultas con traballadora social, enfermería, medicina e psicoloxía. Ademais no seu servizo de Laboratorio realízanse extraccións sanguíneas para analítica xeral, vacinacións, análises de tóxicos en orina, medicións de alcohol en aire expirado e dispensación de fármacos.
Carmela López contou que “estivemos visitando as instalacións da Unidade de Axuda ao Drogodependente para coñecer o seu funcionamento da man do persoal e da directora do centro, para poñelo en valor e mellorar todo aquilo que estea da nosa man”.
As concelleiras de Servizos Sociais e de Muller, Igualdade e Inmigración de Burela visitaron a Unidade de Axuda ao Drogodependente e salientaron o seu gran traballo
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
