Foz, 19 de novembro de 2020. Hoxe, xoves, remataron as obras de mellora da sinalización turística contratadas polo Concello de Foz á empresa SETRAMUR SL cun investimento de 22.506 euros. Foron supervisadas polo alcalde, Fran Cajoto, e o concelleiro de Turismo, Chema Linares.
O edil delegado de Turismo explicou que “con esta actuación o Concello dá un paso máis na sinalización dos recursos do municipio de Foz, que aínda ten potencial turístico por desenvolver. Agora todas as nosas parroquias e as nosas praias máis importantes están debidamente nomeadas”. E destacou que “por primeira vez sinalízase a praia de Tupide, que é urbana, está xunto á Rapadoira e é moi querida polos veciños. Polo tanto estamos especialmente contentos de que isto sexa así”.
Chema Linares considera que “aínda queda moito por facer en materia de sinalización turística e seguiremos avanzando nos próximos anos. Pero rematamos esta actuación que creo que foi positiva para o concello de Foz”.
E o alcalde comentou que “un turismo de calidade é un motor económico de primeira orde; avanzar e poñer en valor os nosos recursos cunha mellor sinalización contribuirá a este obxectivo así como a diminuír a pegada de carbono das persoas que nos visitan. Unha mobilidade máis sostible é un dos retos do executivo focense, que vén de aprobar en pleno o Pacto dos Alcaldes polo Clima”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
