Lugo, 20 de novembro de 2020. A Deputación de Lugo deu a coñecer este venres a proposta de orzamentos para 2021, que ascenden a 92,5 millóns de euros e que se someterán ao debate do Pleno o vindeiro 30 de novembro.
Na presentación das contas, a vicepresidenta Maite Ferreiro valorou a importancia de “ter elaborados os orzamentos en tempo e forma para comezar a traballar no inicio do 2021 con estes recursos, dirixidos a dar resposta ás necesidades dos concellos e do tecido económico, social e cultural da provincia ante a crise económica e social provocada pola Covid 19.
Durante a comparecencia, Ferreiro detallou as partidas e liñas de traballo no relativo a cultura, artesanía, deporte ou medio rural, que se adaptarán ás necesidades que a evolución da crise sanitaria vaia xerando en cada un dos sectores, como se fixo durante o 2020.
Asi, explicou que “durante todo este ano mantivemos un dialógo directo con estes sectores para adaptar as convocatorias e programas ás súas demandas” e agradeceu “a capacidade e o traballo do persoal técnico da institución para artellar estes procedementos”
Cultura, un 7,5 % do orzamento
Os fondos destinados a cultura supoñen un 7,5 por cento do orzamento para 2021, “unha cifra que toma especial relevancia neste momento xa que a cultura é, canda a hostelería ou o comercio, un dos sectores que máis está a sufrir o impacto económico da pandemia”, sinalou a vicepresidenta.
“Seguiremos promovendo programacións culturais sempre, loxicamente, adaptadas á situación sanitaria, cun dobre obxectivo, que as propostas cheguen a todas as comarcas, concellos e parroquias, e que as profesionais que se dedican a música, as artes escénicas, ou audiovisual poidan manter a actividade”, sostivo.
A área de Cultura destinará algo máis de 1 millón de euros a axudas directas ao tecido asociativo, con convocatorias dirixidas ás asociacións de base e entidades dedicadas a promoción e dinamización cultural en diferentes eidos, entre elas, as entidades que traballan a prol da normalización do galego”.
Así mesmo, avanzou que se acometerán distintas actuacións de mellora dos museos da rede provincial, tres deles, lembrou Ferreiro, “catalogados como Bens de Interese Cultural”
2,8 millóns en axudas a clubs e deportistas
Deportes mobilizará 2,8 millóns de euros en axudas a clubs e deportistas, que tamén están a acusar os paróns e restricións da actividade competitiva por mor da Covid 19. Maite Ferreiro explicou que se manterán as axudas de concorrencia, dirixidas fundamentalmente ao deporte base, e que se manterá o apoio aos clubs de primeiras e segundas divisións estatais.
No tocante á area de Deportes, tamén concretou que os orzamentos prevén un investimento de “650 mil euros ao mantemento das instalacions que xestiona a Deputación de Lugo, o do Pazo Provincial dos Deportes e a Escola Provincial de Piraguismo.
Incremento do 50 por cento en Medio Rural e Mar
A área de Medio Rural e Mar incrementa nun 50 por cento o seu orzamento de cara ao 2021 para reforzar as liñas nas que ven traballando desde a súa creación no inicio desta lexislatura, moi centradas na promoción do tecido produtivo, na sostenibilidade e no apoio a iniciativas que apostan pola fixación de poboación no rural.
Ampliarase tamén o soporte económico do programa “O que non arde”, unha iniciativa pioneira desde unha institucion provincial, coa que se apoia aosc conellos da provincia que velen polo cumprimento da normativa contra os incendios.
Dotación para Memoria Histórica
Os orzamentos de 2021 incorporan unha partida específica para Memoria Histórica, un epígrafe “que ata agora non se contemplara na estrutura orzamentaria a pesar de que a Lei de Memoria Histórica insta ás administracións locais a colaboraren na procura de verdade, xustiza, reparación e garantías de non repetición en relación co golpe de Estado do 36 e da ditadura franquista”.
3,8 millóns por incorporar
Coa suspensión das regras fiscais de estabilidade, endebedamenteo e regra de gasto acordada no Congreso dos Deputados en outubro, a Deputación dispón de 3,8 millóns de euros para incorporar aos orzamentos de cara a 2021.
Plan Único
Unha vez tramitada a proposta de orzamentos, o goberno provincial terá que definir a contía final do Plan Único de Cooperación cos Concellos, “un elemento central na nosa concepción das deputacións porque garante a obxectividade no reparto dos fondos e respecta a autonomía dos concellos á hora de decidir os seus investimentos”, explicou Maite Ferreiro que recordou o compromiso adquirido no pacto de goberno de “incrementar a súa dotación de forma progresiva, ata o 5% ao final da lexislatura”
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
