Nota de Prensa
O GMP afirma que o pleno do mércores demostrará quen está cos intereses dos veciños e anuncian propostas.
Os populares din que o alcalde non aporta nada a este pleno.
Consideran “patético” que en dez meses non se tratara ningún asunto relevante .
O GMPP de Burela afirmou hoxe mediante unha nota de prensa que no pleno do vindeiro mércores demostrarase claramente quen está cos intereses dos veciños e quen está a pasar de todo e a tomar decisións de carácter puntual e circunstancial.
Para os populares, o alcalde non se atreve a tocarlle á ordenanza dos vados, porque xa a subeu o doble este ano; non lle toca á ordenanza de axuda a domicilio, porque tamén a subeu, tanto, que provocou queixas; e non lle queda máis remedio que baixar a contribución, cando nós xa avisamos, hai agora un ano, de que había que contela porque viñan tempos de crise económica.
Ademais, para os populares non se vé, por ningún lado, medidas de apoio ás familias máis necesitadas, o que demostra o progresismo deste alcalde e do seu bigoberno, especialmente na situación de crise que estamos a vivir.
O GMPP afirmou que na comisión informativa de onte anunciou unha enmenda de añadido ás ordenanzas presentadas polo alcalde e unha moción de carácter urxente sobre este mesmo asunto. Os populares queren que non se suba o prezo da recollida de lixo, e tamouco a ocupación de vía pública por materiais de obra. Tamén queren que as familias numerosas teñan unha bonificación do trinta por cento da contribución, que se aumente do vintecinco por cento ó trinta por cento a bonificación ós alumnos censados e residentes en Burela da Escola de Música, e que se aumenten os tramos de gratuidade do servicio de axuda a domicilio.
Os populares tamén consideran que o alcalde non aporta nada a este pleno, porque leva dez meses sen incluir ningún asunto relevante para dinamizar a vida social e económica do concello; van dez plenos este ano nos que quen presentou propostas e quen propuxo medidas foi o PP. A apatía, a desgana, a pereza deste alcalde é totalmente patética.
Finalmente, os populares recoméndanlle ó alcalde que se quere facer uns presupostos “con sentidiño” para o ano dous mil nove, pode lerse de novo a moción presentada polo PP hai un mes, de medidas presupostarias, e terá a clave ainda que el votou en contra. Para que diga que non aportamos nada.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
